Биылғы оқу жылының тіл мерекесін ұйымдастыруда өзіндік ерекшеліктері болды. Басты назар елбасының тапсырмасы бойынша үш тілде оқып, жетік меңгеру мақсаты көзделді және бүкіл кешен оқушылары онкүндікке қатыстырылды. Ана тілімен бірге басқа ұлт өкілдерінің мәдениеті мен тілі, тарихын терең білуге шаралар жоспарланып, тиімді түрде іске асырылды.

Онкүндіктің негізгі мақсаттары:

- оқушылардың тілге деген құрметтін арттыру, өзге ұлттардың мәдениетін және ерекшеліктерін біліп таныту, тілдің қоғамдағы атқаратын ролін ұғындыру.

- оқушыларды үштұғырлы ел ретінде тәрбиелеу және шығармашылық, ізденіс қабілеттерін дамыту.

- жас жеткіншектерді өз елінің тілін, жерін, тарихын суйетін , білімді де сауатты тұлғалық қасиеттерің қалыптастыру.

  Мерекелік шаралар  қазақ тілінің ұстаздары Т.Р.Төрегелдина, А.К.Абдраймова ұйымдастыруымен 12 қыркүйек күні   «Тіл – достық көпірі» салтанатты жиыныменен басталды. Жиында үш тілде өлендер оқылып, әндер шырқалып,  кызықты да мағыналы түрде өткізілді және осы күні бүкіл  кластарда «Тілін сүйген – елін сүйер» тақырыбында ашық тәрбие сағаттар өткізілді.

  Ал 13 қыркүйек күні 5-11 кластарда «Тіл тағдыры – ел тағдыры» тақырыбында мұғалім С.Т.Ізтілеуова  шығармалар байқауын ұйымдастырды. Оқушылар өз ойларын жазып, тілге деген сүйіспеншілігін білдірді. Шығармалардың үздік жазылғандары анықталды. Осы күні мектеп кітапханашысы М.А.Айқынбаева «Тілін білмеген – түбін білмейді» атты кітап көрмесін ұйымдастырды.

14 қыркүйек күні тарих пәнінің мұғалімі Н.Шерікбай 8-9 класс оқушылары аралығында «Қазақ тілі тарихына шолу» дөңгелек үстелін өткізді. Бұл шара оқушылардың белсенділігімен, жан-жақты дайындығымен ерекшеленді. Шара жоғары деңгейде өтті.

15 қыркүйек күні Б.К.Самбаева «Қазақстан-көп ұлтты мемлекет» атты ұлттық киімдер көрмесін мектебіміздің бірінші қабатында ұйымдастырды. Барлық кластар бұл тапсырманы ізденіп, шығармашылықпен, жауапты орындады. Ұлттық киімдегі қуыршақтар әдемі де, ұлттық нақышта жасалды.

17 қыркүйек күні С.И.Әбілғазин 10 «А» класында қазақ тілі пәнінен «Тілдесудің мәні мен ерекшеліктері» тақырыбында ашық сабақ өткізді. Сабақта оқушылар ролдік ойындар, презентациялар, шағын жобалар көрсетті. Сабақ көркемді, ғылыми қырынан басым болды. Сабақ өте жақсы деп бағаланды.

18 қыркүйек күні 6 кластар аралығында ағылшын тілі ұстаздары Н.Т.Медеубаева  мен Д.М.Ныгыматуллина «Кім алғыр» атты интеллектуалдық ойын ұйымдастырды. Бұл шара оқушылардың үлкен қызығушылықтарымен, тапқырлығымен көріне білді. Балалар ағылшын тілінде жақсы білімін дәлелдей алды.

19 қыркүйек күні «Даналық сөзден дән ізде» атты тақырыбында 7 кластар оқушылар аралығында тіл туралы презентациялар байқауы өтті. Ұйымдастырушы мұғалімдер Г.М.Елубай мен А.Ж.Оспанова. Оқушылар көп іденіп, жұмыстарын жан-жақты қорғады.

20 күні қазақ бастауыш кластары А.Әлхан  мен Н.Шыңғысбаева  мұғалімдерінің ұйымдастыруымен   «Өзге тілдің бәрін біл, өз тіліңді құрметте!» атты мектепшілік музыкалық кеш мектептің жиын залында өткізді. Кеш көпшіліктің көңілінен шықты.

Ал, 21қыркүйек күні «Жас ұрпақ» ұйымының жетекшісі Р.Усаева  және музыка пәнінің мұғалімі Е.Жакипханов  ұйымдастыруымен «Ана тілім-арым менің» қорытынды әдеби-муыкалық кеш өтті. Кеште өлеңдер оқылып, әндер орындалып, бишілер ұлттық би биледі. Кеш өте жақсы өтті.

22 қыркүйек күні бейнелеу пәнінің мұғалімі Ш.Р.Рақымбеков «Тіл бар жерде-мен бармын» атты қабырға газеттер байқауымен онкүндігіміз өз мәресіне жетті. Бұл шараға белсенді қатысып, мағыналы жұмыс жасаған 9 «Б» және 7-ші кластар.

Онкүндіктің қорытындысы 24 қыркүйек күні мектепшілік жиында ӘБ жетекшісі М.К.Шакетаева қорытындылап, ерекшеленген оқушылар мен кластарды марапаттады.

Ұсыныстар:

- оқушыларды  тіл мәртебесін биік ұстап, сауатты жазу және сөйлеуге ынталандыру.

- мектепшілік шараларға жауапкершілікпен, уақытымен қатысу.

- үш тілде еркін сөйлеп, әр кезде, әр жағдайда  білімдерін орнымен пайдалану.

ӘБ жетекшісі:                                                         Шакетаева М.К