«Денсаулық фестивалі - 2012» шарасын өткізудің жұмыс жоспары құрылды. Жоспар бойынша 08 - қыркүйек күні денсаулық күніне байланысты «Мен, сен, ол – біз салауатты елміз» тақырыбында салтанатты жиын өтті.

Жиыннан соң 1-4 сыныптар арасында «Спорт –денсаулық кепілі» тақырыбында класс сағаты, 5-7 кластар арасында «Белсенді қимыл –ұзақ ғұмыр» атты үгіт-насихат жұмысы, 8-9 кластар арасында «Жақсы әдетті жастайыңнан үйрен» тақырыбында дөңгелек үстел, 10-11 кластарда «Салауатты өмір –жарқын болашақ» тақырыбында дәрігерлердің қатысуымен лекция болып өтті.

Денсаулық күні 1-4 класс оқушыларымен «Көңілді старт» эстафеталық спорттық жарыс,  балабақша, мектеп алды даярлық тобы балаларымен «Әкем, шешем және мен» атты спорттық жарыс өткізілді. Ал 5-11 кластар арасында «Әрқашан шыныққан, денің сау және сәнді бол» девизімен 200м, 300м, 500м, 1000м кросс, қыздар арасында волейболдан, пионерболдан, ұлдар арасында футбол мен баскетболдан  жарыстар ұйымдастырылды.

Мектеп кітапханасында «Дені сау табысты ұрпақ» тақырыбында ақпараттық кітап көрмесі ұйымдастырылды. І қабатта «Шынықсаң шымыр боласың» тақырыбында сурет көрмесі ілінді.

Денсаулық фестиваліне мектеп ұстаздары мен оқушылар қызығушылықпен белсенді қатысты. Спорттық жарысқа қатысушылар  марапатталып,грамота, алғыс хаттармен марапатталды.

Барлық шаралар жоспар бойынша өтті.