«Балдәурен» лагерінің мақсаты: Жазғы демалыс кезінде жасөспірімдерді рухани, интеллектуалдық жағынан дамыта тәрбиелеу. Балғындар өмірін шаттық, думанға, көңілді күлкіге кеңейтіп, жан сезімдерін сергіту. Балалардың демалыс күндерін қызықты ұйымдастыру, денсаулығын және шығармашылық қабілеттерін арттыру.
Міндеті: Қызықты да әсерлі тәрбие шараларын ұйымдастыра отырып, қаламыздың бой көтерген әсем ғимарат орындарымен таныстырып, сұлу табиғат аясына саяхатқа апарып отыру.
Әдісі: Тәрбие ісін кірістіре, дамыта, жаңа әдіс тәсілдермен жүргізу.
Тәрбие жұмыстары лагерь жетекшісінің құрастырған жүрек жарды-төл туындыларымен бірегей ерекшеленіп, қызықты ұйымдастырылып өте көңілді өтті. Балғындардың күнделікті уақыты түрлі саяхаттар, эстафеталық ойындар, конкурс-сайыстар өткізумен жалғасын тапты.
«Балдәурен» балғындар ордасы деп аталған жазғы демалыс лагері, жоспар бойынша жұмыс жасады.Күн сайын вокал,спорттық-ритмика, психологиялық тренинг үйірме жұмыстары жұмыс жасап отырды.
1 маусым «Балдәурен» лагеріне балалар қабылданып,лагерь ережесімен таныстырылды.Дәрігерлік тексерістен өтті.Балалар төрт топқа бөлінді, айта кетсек: «Достық», «Шапағат», «Бірлік»,«Пупсики» әр топқа 17-19 баладан қабылданды.
Халықаралық балаларды қорғау күніне арналған мерекелік шара ұйымдастырылып өткізілді.Балаларға балмұздақ таратылды.
«Таңғажайып арман» атты тақырыпта асфальтта сурет салу байқауы өтті. Оған  барлық топ ат салысты.
Маусымның 1-29 аралығында лагерь бекітілген жоспар бойынша жұмыс жасады. Тәрбиеші апайлар өзіне қойылған тәрбие сағаттарын уақытында өткізіп отырды. Балғындардың күнделікті уақыты түрлі саяхаттар, конкурс– сайыстар, эстафеталық ойындар өткізумен жалғасын тапты.Жас бүлдіршіндер адамзат пен жануарлар өмірінің табиғат құбылыстарының сымбатымен үндестігін табатынын өз көздерімен көріп, ғажайыпәлеміне куә болды.