Халықаралық қыздар күніне байланысты өткізілген шаралардың қорытындысы

№68 мектеп-интернат

2019 – 2020 оқу жылы

      Біріккен Ұлттар Ұйымының мерекені күнтізбеге енгізудегі басты мақсаты – қыздардың құқықтарын мойындау, әлемдегі барлық қыздар ұшырасатын ауыр мәселелерді шешуге көмек қолын созу.   Осы шараға байланысты  мектепте қазан айының 4-13 аралығында  «Қыздар күні»  ұйымдастырылып, түрлі іс-шаралар өткізілді.

       Жоспар бойынша әлеуметтік педагог Г.Б Айтбай мектеп медбикесі                                       Б. Кадирова  қыз балалар   бойында  әдеп  пен сыйластық, тазалық  пен адамгершілік мәдениетін қалыптастыру  мақсатында «Жеке бас гигенасы, қызым саған айтам» тақырыбында  6-8 сынып қыз балаларына жиналыс өткізді. 5 - 6 сыныптарға мектеп медбикесі Б. Кадирова жас ұрпаққа адам денсаулығының қымбаттылығын түсіндіру мақсатында  «Гигена және денсаулық» тақырыбында ақыл – кеңес берді.

      Мектеп  кітапханашысы 8-11 сыныптар арасында  «Барлығы қыздар үшін» және «Көрнекті әйелдер» тақырыбында қызықты кітаптар көрмесін ұйымдастырды.                         8-10 сынып жетекшілері Оспанова А.Ж., Жилкибаева М.С., Хуатай Д., Бимурзина Ж  «Қыз қылығымен нәзік» тақырыбында пікірталас, ақыл-кеңес бере отырып, дөңгелек үстел  ұйымдастырды. Бұл іс-шарада отбасындағы адамгершілік туралы, қыз бала тәрбиесінде ұл бала тәрбиесіне қарағанда біраз ерекшеліктердің бар екенін, отбасында еркелеп ұстап отырған қыздардың күні ертең бойжетіп өскен соң, өзге шаңырақтың түтінін түтетіп, ошағының отын жағатын әйел, ана болатынын т.б  ақыл –кеңес бере отырып пікіралмасты. 6 сынып жетекшісі Дуанбекова С.М  жас буынға ізгіліктің тура  жолын көрсету, әдепті, иманды, инабатты адам, қоғамның баға жетпес байлығы, мәртебесі екенін ұғындыру мақсатында  «Имандылық-инабаттылық» тақырыбында сынып сағатын өткізді.

       Мектеп психологы Акишева М. және мектеп тәлімгері Тлеуберген Г. қыздар күніне орай  7-8 сыныптар арасында «Қыз тәрбиесі – ұлт тәрбиесі» тақырыбында пікіралмасу өткізді.  Пікіралмасудың негізгі мақсаты қазіргі қыз балалардың  қоғамдағы тәрбиесі, қыз баланың өзінің сырт пішініне, киім сәніне немқұрайлы, салғырт қарауы жөнінде болды.«Қыз тәрбиелей отырып, ұлтты тәрбиелейміз» деген ұстанымды ұстай отырып, өз ойларын ортаға салды.  Сонымен қатар 5-10 сынып аралығында «Жас ұрпақ» ұйымының ұйымдастыруымен мектепішілік  «Күз Аруы - 2019» байқауы өткізілді.

       Жоспар бойынша шаралардың барлығы жоғары дәрежеде белгіленген мерзімде өткізілді.

                        Әлеуметтік педагог        Айтбай Г.Б