Тілдер күніне арналған апталық  іс-шаралар

Қыркүйектің 05-сі  мен 12-сі  аралығында тілдер мерекесіне орай ұйымдастырылған  апталық іс-шаралары өтті.

Барлығы  жақсы дайындықпен, жоспар бойынша өз уақытында өткізілді. Мектеп мұғалімдері мен оқушылары апталық аясында ұйымдастырылған іс-шараларға белсене қытысып, өз білімдері мен өнерлерін көрсете білді.

Апталықтың ашылуы қыркүйектің 5-ші күні «Тіл – татулық тірегі» тақырыбында салтанатты жиынмен ашылды. Салтанатты жиын үш тілде, яғни қазақша, орысша және ағылшын тілдерінде  өтті. Оқушылар  өлең оқып, ән айтып соңынан тілге байланысты бейне таспалар көрсетілді. Оқушылар ана тіліне деген өз сүйіспеншіліктері мен құрметтерін өлең жолдарымен жеткізе білді. Салатанатты жиын Изтилеуова С.Т., Медеубаева Н.Т., Джазықбаева А.К., Шакетаева М.К. мұғалімдерінің ұйымдастыруымен  өтті.

Қыркүйектің 06-ы күні барлық сыныптарда тілдер мерекесіне орай «Халықтарды біріктірген мемлекет» тақырыбында 3 тілде сынып сағаттары өткізілді. Оқушылар ана тіліне деген ыстық ықыластары мен құрметтерін көрсете білді және басқа тілдерді жоғары деңгейде меңгеруін көрсетті.

Қыркүйектің 09-ы күнінде қазақ тілі пәні мұғалімдері Әбілғазин С.И., Изтилеуова С.Т. 5-11 сынып оқушылардың арасында «Ұлылар ұлағаты – ұрпақ ұстанымы» атты эссе байқауын өткізді.

Сонымен қатар қыркүйектің 09-ы күнінде қазақ тілі пәні мұғалімдері Бекмағамбетова А.С, Аманбек Ағжан, Қасымбек А.Д 4-7 сыныптар арасында «Қазақтың ұлы тұлғалары» атты диктант байқауын өткізді.

Қыркүйектің 10-ы күні қазақ тілі пәні мұғалімі Қасымбек А.Д. ұйымдастыруымен орыс тілде оқитын 4-5 сынып оқушылары арасында «Ұлтым басқа – тілім қазақ» атты бейнебаяандар байқауын өткізді. 

Осы күні ағылшын пәні мұғалімдері Медеубаева Н.Т., Смагулова Қ. 8-9 сынып оқушылары арасында «Не? Қашан? Қайда?» интеллектуалдық ойын өткізді. Оқушылар өз білімдерін ортаға салып, түрлі сұрақтарға жауап берді, ойынға үлкен белсенділікпен қатысып, қызығушылық танытты.

11 қыркүйек күні орыс тілі пәні мұғалімдері Джазыкбаева А.К., Шакетаева М.К 5-6 кластар арасында «Знатоки русского языка» атты викторина өткізді.

11 қыркүйек күні Әбілғазин С.И., Изтилеуова С.Т., Қасымбек А.Д., Баймагамбетова А.С., Аманбек Ағжанның ұйымдастыруымен «Ж.Аймауытовқа 130 жыл» атты  10-11 кластар арасында шығармашылық кеш өтті.

12 қыркүйек күні саптық жиында Тілдер күніне арналған апталықтың қорытындысы өткізіледі.  Гуманитарлық пәндер ӘБ жетекшісі Джазыкбаева А.К. және пән мұғалімдері апталыққа белсене қатысқан оқушыларды марапаттайды.

Апталық аясында оқушылар ана тіліне деген құрметтері мен сүйіспеншіліктерін көрсете білді. Апталық қорытындысы сайтқа енгізіліп, жинақ болып шығарылды.