2012 жылдың 27 қаңтарында болған Қазақстан Республикасы Президенті  Н.Ә. Назарбаевтың халыққа деген жолдауын тыңдап, ерекше әсерге бөлендік. Елбасының биылғы жолдауы 10 бағыттан тұрады. Осы 10 бағыттың әр қайсысын тыңдай отырып, біз Президентіміздің жалпы халыққа деген ерекше қамқорлығын сезіндік. Атап айтқанда: Қазақстан халқын, оның ішінде жастарды жұмыспен қамтамасыз ету мәселесін қандай биіктерден қарастырғаны бізді ерекше қуантты. Әрбір Қазақстандық отбасы еңбек етіп, өздеріне лайықты еңбекақы алып отырса, жалпы еліміз қуаттана түсері сөзсіз. Тағы бір халыққа аса қасиетті, шешілуге тиісті мәселе тұрғын үймен қамтамасыз ету болатын. Бұл мәселе де осы жылдар ішінде өз шешімін таппақ. Біз секілді ұстаздар қауымы үшін Елбасының жолдауындағы 7- бағыт жаңа күш, ерекше серпік бергендей болды. Мұнда Елбасы «Кәсіптік-техникалық білімді көтеруге, сонымен қатар педагог-мамандардың кәсіби деңгейін арттыруға ерекше күш салу керек», - деп атап көрсетіп отыр. Мұның өзі, біздей мұғалім мамандарға үлкен жауапкершілік артары сөзсіз. «Дені сау адам-дені сау мемлекетті құрайды. Осы орайда Президентіміз халқымыздың жүрек қан-тамыр аурулары  бойынша сырқаттану деңгейінің төмендегенін айта келіп, алдағы кезек күттірмейтін  мәселе - онкологиялық дертті ауыздықтау екендігін атап өтті . Осы  орайда Республиканың түпкір-түкпірінде соңғы технологиялық жоба бойынша емдеу орындары салынатындығы  халықты ерекше қуантары анық. Қарапайым халыққа сапалы қызмет көрсету жолға қойылмақшы. Атап айтқанда; құжаттарды рәсімдеу бір орталыққа шоғырландырылып, халыққа ыңғайлы қызмет көрсете бастайды және электрондық үкімет жүйесі  (2013жыл) өз күшіне енбекші. Сонымен бірге, біздің елдіміздің өндіріс саласына жаңа инновациялық жобалар барынша таралмақшы. Атап көрсетсек; Балқаш ЖЭС-на Бейне-Жезқазған темір жолы,  Батыс Европа-Батыс Қытай әлемдік жол және т.б. осы жобалар бойынша іске асырылмақшы. Міне, осының бәріел, халық игілігі үшін екенін біздер, шын жүрегімізбен сезініп отырдық. Сондықтан, біз Президент Н.Ә. Назарбаевтың үндеуін шын ықыласымызбен қабыл алып, ел игілігі үшін өз үлесімізді қосуға дайынбыз.

№68 МИББ кешен мұғалімі, «Нұр Отан» ХДП М.Мамыраев атындағы бастауыш ұйымының мүшесі Шакетаева Майра Көшкимбаевна