Мемлекет басшысы Нұрсұлтан Назарбаевтың «Әлеуметтік-экономикалық жаңғырту – Қазақстан дамуының басты бағыты» атты биылғы Жолдауын кешен  ұжымымен бірге ұйып тыңдадым. Онда ел дамуының алдағы уақытта жүзеге асыруға көзделген негізгі бағыттары айқындалды. Президент өз сөзінде қазақстандық даму жолының жаңа кезеңі – экономиканы нығайтудағы, халықтың әл-ауқатын арттырудағы міндеттерді жүзеге асыру керектігін айтты. Жолдауда мемлекеттің әлеуметтік-экономикалық даму саясатындағы 10 басымдық туралы егжей-тегжейлі сөз болды.

Өз басым, Президент жүктеген барлық тапсырмалар уақытында орындалып, халық игілігіне жарайтынына кәміл сенемін. Ел Тәуелсіздігінің 20 жылында жеткен жетістігіміз – осының айшықты дәлелі.

Біз  білім беруді жаңғыртуды  одан  әрі  жалғастыруға тиіспіз. Бүгінде мектептерді компьютерлендіру толықтай аяқталып, орта білім берудің 12 жылдық моделі енгізілуде екені сөз болды.

Елбасының  тапсырмасы бойынша бүкіл елде ашылып жатқан 20 зияткерлік мектептер дарынды балаларды үздік жоғары оқу орындар үшін дайындаудың не­гізгі арқауына айналатыны, «Балапан»  бағдарламасының жү­зеге асырылуы біз үшін қуантарлық жағдай.

Үкіметке берген тапсырмаларынан білім берудің сапасын арттыру және қолжетімділігін кеңейту үшін  білім  беруге қолдау көрсетудің жаңа қаржы­лық-экономикалық құралдарын енгізу керектігін біз де қолдаймыз.

Білім  беру  жүйесіндегі біз атқарып жатқан барлық жұ­мыс  балалардың жоғары талапқа сай білім алуына қол жет­кізуге бағытталуы тиіс.

Президент жолдауындағы электронды оқы­туды пайдалануды кешен педагогтары қазіргі кезден өз қолдарына алуда.

 "Сапалы білім беру Қазақстанның ин­дустрияландырылуының және ин­но­ва­циялық дамуының негізіне айналуы тиіс" деген Елбасы тілегіне кешен педагогтары жан-жақты ізденумен жұмыс атқаруда. Қазір білім-ғылым саласына қатысты айтылып жүрген сын көп. Десе де, ойластырылған жұмыстар барынша оң нәтиже беріп жатқаны шындық. Оның дәлелі  -  ҰБТ-ің үш жылдық нәтижесі 2008-2009 оқу жылындағы түлектердің орта балл көрсеткіші – 78,09;  2009-2010 – 82;  2010-2011 – 90 балл.   Кешенді бітіріп жатқан түлектеріміз 100 пайыз жоғары оқу орындарына түсіп, мұғалімдердің еңбегінің жоғары деңгейде, шығармашылықпен жүргізіліп жатқанын дәлелдеп берді.            Ел президентінің  ««Өмір бойы білім алу»  әрбір қа­зақ­стандықтың  жеке  кредосына айналуы тиіс»  деген ұсынысын өз жұмысымыздың негізгі мақсаты ретінде аламыз.

Дамыған қоғам – бұл біліммен қаруланған, әл-ауқаты жақсы және тату-тәтті өмір сүретін халық. Сондықтан,  Жолдауда айтылған мақсат-міндеттер, ең алдымен, жастардың білім деңгейін көтеріп, бәсекеге қабілетті мамандарды дайындауға кең жол ашады.

 №68 Мектеп - интернат - балабақша кешен  қызметкерлері Елбасы саясатын толығымен қолдай отырып, Жолдауды - алға қойылған міндеттерді жүзеге асырудың маңызды бағдарламасы ретінде қабылдайды. Өскелең ұрпақты қазақстандық патриотизм рухында тәрбиелеп, олардың бойына адамгершілік қасиеттер мен ұлтжандылық сезімдерін қалыптастыру – біздің негізгі мақсатымыз.

Кешен директоры   Ж.А.Мұқтаров