Қазанның 21-і  мектебімізде күз мерекесіне арналған шара өткен болатын. Оған мектеп оқушылары ат салысып, ортаға бар өнерлерін паш етті.
Ең алдымен  6 «б» сыныбының оқушылары көрініс қою арқылы өздерінің кез-келген рөлде жоғары дәрежеде  сомдай алатын делелдеді. 6 «а» сыныбының сұлу да сымбатты қыздары өздерінің кез-келген әуенге жан беріп, жандандыра түсіретінін көрермендерге көрсетті. Ал 7 «а» сыныбының ұлдары қүз тақырыбына байланысты езу тартарлық әзілдерін ұсынып, көрермен қауымның көңілін көтерді. 5 «б»-да басқаларынан қалыспай жас күйшінін ортаға шығарып, көпшіліктің көңілінен шықты.
«Құлақтан кіріп  бойды алар, жақсы ән мен тәтті күй» демекші, бұл мерекелік шарада әндер де аз болмады. Соның ішінде «7б» сыныбының күміс көмей әнші қыздары тыңдарман қауымның құлақ құрышын қандырды.
Осы күні баршаның көңілінен шықты. Балалардың осы кешке үлкен жауапкершілікпен дайындалғанын, ешкім назардан тыс қалдырмады. Оларға  кеште өтетін іс-шараларға дәл осындай белсенділікпен қатысуларына тілектеспіз!