Қазанның 19-жұлдызы күні біздің мектебімізде КТК, яғни көңілді тапқырлар клубы 8-10 сынып оқушылары арасында өтті. Олар: 8А «Шоқ қыздар», 8Б «Күлкі жастары», 9А «Уақыт келер», 9Б «Назар аудар», 10A «Арлан» КВН командалары қатысты. Ал осы командаларға әділ қазылық еткен – Амреева Қымбат Ералиевна «Дені сау ұрпақ» жобасының жетекшісі, Ахметов Ерік Абжамиевич «Іске сәт» қоғамының қорының директоры Және Ахметова Светлана Владимировна – «Іске сәт» қоғамының координаторы. Әділ қазылар мүшелері біздің ойыншыларымызға құр қол келген жоқ. Жеңген командалар: І-орынды 8Б «Күлкі жастар» КВН командасы иеленді. Бұл командаға 4000 теңге көлемінде ақшалай жүлдемен бірге кубок берілді. Ал ІІ-орынды 8А «Шоқ қыздар» КВН командасы қанжығаларына байлады. Бұл командаға 2000 теңге көлемінде ақшалай жүлде мен кубок берілді. ІІІ-орынды 9Б сыныбы «Назар аудар» КВН командасы алды. «Уақыт келер» мен «Арлан» КВН командалары да назардан тыс қалған жоқ. Ол командалар да кішкене болсын сыйлықтармен марапатталды. Осы ойында тамашалаған көрермен де әділ қазылар да риза болды. Ал қатысқан командаларға әрі қарай өз өнерлерін көрсете берсін деп тілейміз!!!