Жас ұрпаққа жақсылық жасау, ұлтымыздың

өскені өркендегені.

           Ата –бабаларымыз сонау ықылым заманнан бері өзінің ұрпақтарының саналы болып өсуіне жетілуіне жан-жақты мән бере білген. Тынысы бөлек, жүрісі бөлек  бесаспап сегіз қырлы, бір сырлы, атқа мінер азаматтарына тәрбиенің уызын беріп өсірсе, жағдайы жоқ, жайсыз отбасыларына да әр уақытта дәнекер болып, жәрдем беріп, қолдап қорғап отырған. Жаратқан жаббар иеміз, бұл жақсылығы мол, жарығы мол, жарық дүниеде адам баласының тіршілік етуіне барлық мүмкіндік берсе де, адам баласының тіршілік етуі,  еңбек етуі әр түрлі. Біреуге сезім байлығын, біреуге тіл байлығын, біреу жоғары математикалық  теңдеудің түйін шешіп түйсік берсе, біреуге ақылға сыймас қажыр қайрат, өнер сыйлайды.  Адам адамға дос бауыр демекші мына заманда қазақ халқының мейірі, ыждағаттылығы, кеңпейілділігі, бауырмалдылығы ауадай қажет-ақ.

      2009 жылдан бастап Республика бойынша «Мектепке жол» акциясы  жүріп жатқаны баршаңызға аян. Ол акцияның мақсаты –жағдайсыз, жайсыз отбасы балаларын жаңа оқу жылына дайындауға көмек көрсету.

2011-2012 оқу жылында 1 тамыз бен 30 қыркүйек аралығында  №68 білім беру кешені де бұл шараға құлшыныспен ат салысты. Акция аясында айқын жариялап,  шағын аудан және көптеген меценаттарды түгел құлақтандырды. Сөйтіп әлеуметтік әлсіз топтарға қол ұшын созып, интернат балаларына көмек берген кешен мұғалімдері мен ата-аналар қыруар іс тындырды. Сонымен қатар, Қарағанды қаласының Мемлекеттік Медицина университетінің деканы Приз Владимир Николаевич және кәсіподақ ұйымының төрағасы  Наурызбаев Нұрлан Ныгматович кешеннің  әлеуметтік әлсіз отбасы балаларына  270 мың теңгеге  көмек көрсетті.  Қасиетті рамазан айына тұспа тұс келген бұл акцияға белсене қатысқандарға игі істері үшін Алла разы болсын дейміз.