2018 жылдың 16 қарашасы күні Қарағанды қаласының білім бөлімінің басшылығымен Е.А.Бөкетов  атындағы Қарағанды мемлекеттік университетінің әлеуметтік жұмыс және әлеуметтік педагогика кафедрасы және Қарағанды қаласы №68 мектеп-интернат КММ-нің ұйымдастыруымен «Мәңгілік Ел» ұлттық идеясы мен «Рухани жаңғыру» бағдарламасын іске асыру аясында білім алушыларды әлеуметтендіру» тақырыбында аймақтық ғылыми-практикалық конференция өткізілді. 

        Конференцияға Қарағанды қалалық білім бөлімі басшысының м.а Кенешова Раиса Амертаевна, Евней Арыстанұлы Букетов ат. ҚарМУ-дың әлеуметтік жұмыс және әлеуметтік педагогика кафедрасының меңгерушісі, әлеуметтану ғылымының кандидаты, доцент Абдрашева Бану Жумабековна, педагогика ғылымының докторы, профессор Мухтарова Шакира Мукашевна, оқушылар, студенттер, магистранттар, олардың ғылыми жетекшілері, мұғалімдер, оқытушылар қатысты. 

        Конференцияға Қарағанды қаласы мектеп, гимназия, лицейлерінен, ҚарМУ, Қарқаралы, Осакаровка, Ақтоғай ауданы, Балхаш, Астана, Теміртау қалаларынан  96 мақала келіп түсті. Осыдан өткен конференция тақырыбының өзекті және маңызды болғанын көріп отырмыз.

       Конференцияның пленарлық бөлімінің модераторы №68 мектеп-интернат директоры Ж.А.Мухтаров болды. Конференцияны Қарағанды қаласының білім бөлімінің басшысының м.а. Кенешова Раиса Амертаевна ашты. 

         Конференция өз жұмысын үш секция жұмысымен жалғастырды. 

Конференцияға барлығы 65 адам қатысты, олардан пленарлық отырыста 7 адамның, ал секцияларда 39 баяндамашының жұмысы тыңдалды.

          Конференция соңында қатысушылардың пікірлері мен ұсыныстары тыңдалып, қатысушыларға алғыс хат пен сертификаттар берілді.