Бірінші сынып оқушыларын психолог - педагогикалық жетелеу оқу жылының басынан жүзеге асырылып келеді. Кіші мектеп оқушыларының әлеуметтік ортаға бейімделуі ең маңызды сұрақтардың бірі болып қалып отыр. Бірінші жартыжылдық барысында «Бірінші сыныпқа жол» бағдарламасы жүзеге асырылды. Мұнда психологиялық сағаттар көмегімен бірінші сынып оқушыларының алаңдаушылығы мен эмоционалдық шиеленіс деңгейі төмендеді, тәртіптің жаңа формаларына, өз бетінше жұмысқа үйренді. Танымдық іс - әрекеттің еркіндігін қалыптастыру, қарым - қатынас дағдыларын дамыту жүзеге асырылды. «Махаббат пен мейірімділік пойызы» тақырыбы қорытынды  тақырып болды, мұнда өз «Менінің» бағалылығы мен өзгеге ұқсамайтындығына баса көңіл аударылды, өз сыныптарына деген қарым - қатынас пен мейірге ұмтылуды дамытуға баса көңіл бөлінді.