Бүгін жаратылыстану пәндері кафедрасының онкүндігі аясында 8-сыныптар арасында физика пәнінен «Алғырлар-2015» атты интеллектуалдық сайыс өтті. Сайыс «Білім ағашы», «Көкпар», «Полиглот», «Кім жүйрік?», «Физикалық эстафета», «Мен ұнатқан пән» деген кезеңдерге бөлінді. «Білім ағашы», «Көкпар» кезеңдері оқушылардың пәндік білімдерінің тереңдігі тексерілетін тапсырмалардан тұрса, «Полиглот» кезеңінде физикалық ұғымдардың қазақша, орысша және ағылшынша атаулары сұралды, яғни «Лицей жағдайындағы көптілділік элементтерін қолдану» атты эксперименттік-тәжірибелік жұмыс осы сайыстың барысында жалғасын тапты. Жүзден жүйрік шығып, жеңімпаз атанған 8 «А» сыныбын жеңісімен құттықтаймыз.