1 - қыркүйек “Білім - күніне” арналған “Мектебім - мейірім мекені” атты салтанатты жиын өтті. Мектебіміздің директоры О.С. Аринов мектеп табалдырығын алғаш аттап отырған бүлдіршіндер және 11 сынып оқушыларымен ұстаздарды Білім күнімен құттықтады. Мектеп табалдырығын алғаш аттағалы отырған жас бүлдіршіндерімізге Қызыр атамыз келіп ақ батасын берді. Салтанатты жиында Қазақстан, ұстаз, мектеп туралы әндер айтылып биден шашу шашылды. Биылғы оқу жылында мектеп табалдырығын аттаған 134 бүлдіршінге сәт сапар тілей отырып, алдағы білім жолында үлкен жетістіктерге жетуіне тілектеспіз.