«Қарағанды қаласының білім бөлімі» ММ- сінің хабарламасы бойынша жаңа оқу жылына дайындық мақсатында әлеуметтік санаттағы балаларға материалдық көмек көрсету жұмыстары басталды. Биылғы жылдан бастап №64 Қазақстан Республикасы Үкіметі қаулысына сәйкес қаржылық және материалдық көмек көрсету мемлекеттік қызмет болып табылады (Қазақстан Республикасы Білім және ғылым министірінің 2020 жылғы 24 сәуіріндегі №158 бұйрығы). Аталаған материалдық көмек «Жалпы оқу қоры» есебінен атаулы әлеуметтік көмек алатын балаларға, сондай – ақ жан басына шаққандағы табысы төмен, ең төменгі күнкөріс деңгейінен төмен отбасылардағы балаларға беріледі. Бұл көмек жетім балалар мен ата – анасының қамқорлығынсыз қалған балаларға, сондай – ақ төтенше жағдайға тап болған және басқа да мұқтаж мектеп оқушыларына да қатысты. Көмек ата – аналардың карточкалық шотына ақшалай қаражат аудару арқылы беріледі (Halyk банк). Биыл ағымдағы жылға ақшалай көмектің мөлшері 43703 теңгені құрайды. Қаражатты мақсатты пайдаланылуын қамтамасыз ету үшін ата –аналар 15 күн ішінде оқу құралдарын сатып алу туралы есеп беруі керек. Шығындарды растау үшін чектер, түбіртектер және алынған заттың фотосы қажет болатынын хабарлайды. Тапсырылатын құжаттар тізімі: 1. Әлеуметтік санатын растау; 2. Өтініш; 3. Ата –ананың жеке куәлігінің көшірмесі; 4. Оқушының туу туралы куәлігінің көшіресі; 5. 20 таңбалы банктік шот номері; Құжаттарды қабылдау : «№14 мектеп - гимназиясы» КММ Байланыс телефон: 8 771 196 97 29