2023 жылдың 5-7 маусымы аралығында Қарағанды облысы білім басқармасының жоспарына сәйкес “Сарыарқа дарыны” балаларға қосымша білім беру аймақтық ғылыми-практикалық орталығының ұйымдастыруымен “ӨНЕРЛІ ЖАС-ӨҢІР МАҚТАНЫШЫ” талантты балалардың облыстық слетіне Қарағанды қаласының атынан 5-6 сынып оқушылары арасынан №14 мектеп-гимназиясынан “Самға” тобы барып өз өнерлерін көрсетті. 120-ға жуық жас өнерпаздар арасынан өнерлі балапандар “Биле, биле!” номинациясы бойынша би байқауынан 3 орынға ие болып, ақшалай сыйлықпен марапатталды. Сонымен қатар спорттық жарыстардан баскетбол мен пионерболдан командалық 2 орынға ие болса, тоғызқұмалақтан 1 және 2 орындарды және дойбыдан 1 орын иеленіп қайтты.