2023 жылдың 3-5 мамыр аралығында Қарағанды қаласы білім бөлімі әдістемелік кабинетінің жоспарына сәйкес №14 мектеп-гимназиясының базасында спорттық жарыстар арқылы педагогтердің әлеуетін көтеру, әріптестер арасындағы командалық рухты нығайту, ынтымақтастықта кедергілерді бірігіп шешуге баулу мақсатында мектепке дейінгі білім беру педагогтері үшін Отан Қорғаушылар күніне орай “Жас ұлан” қалалық спорттық жарыстар алғашқы рет өтті.
Спорттық жарысқа Қарағанды қаласының мектепке дейінгі ұйымдардың 56 командадан құрылған дене шынықтыру нұсқаушылары және педагогтері қатысты. (мемлекеттік, жеке меншік бөбекжайлар және шағын орталықтар). Іс-шара өте жоғары деңгейде өтті. №14 мектеп-гимназиясының басшысы ұжымымен ұйымдастыруына белсенді ат салысты. Мектеп ұжымы қалалық білім бөлімімен біріккен іс-шараның ашылу және жабылуын салтанатты түрде өткізілуіне ықпал етті. Қатысушы педагогтер жоғары дайындықпен және жауапкершілікпен келді. Әр қатысқан команда жүлделі орындармен марапатталды. 14 кезеңмен ұйымдастырылған байқауда 14 МДҰ командалары Бас жүлдеге ие болды: «Ақбота» б/б КМҚК, «ҒАСЫР ҰРПАҚТАРЫ» ЖШС «Алтын бесік» б\б, «Бәйтерек» б/б КМҚК, «Алтынай» б/б КМҚК, №91 ШО, «Малинка» ЖШС, «Армашка» ЖШС, №8 ШО, «Аружан» б/б, «Қарлығаш» б/б КМҚК, «Еркетай» б/б КМҚК, «Жұлдыз» б/б КМҚК, «Одарешка» ЖШС , «Ассольки» ЖШС. Сонымен қатар басқа да қатысқан командалар І, ІІ, ІІІ жүлделі орындармен марапатталды. Қатысушылардың берген кері байланыстары іс-шараның оң ықпал бергенін, педагогтердің ынтымақтастықтарын арттырғанын және ұжымдық мәдениетке үйреткенін тілге тиек етті. @goroo_krg @doshkola_krg