Қазақстан халқы үшін ең ірі мерекелердің бірі, ол 1-мамыр. «Бірлік болмай тірлік болмас» деген атам қазақ. Берекені көздеген ел мерекелі тірлік жасаудан жалықпаған. «Береке бастауы бірлік, ел іші тату тірлік» қағидасын ұстанған ел үшін бұл мейрамның орны ерекше.Өзара түсіністік, ұстамдылық, әр түрлі ұлттар өкілдерінің рухани және мәдени құндылықтарына құрметпен қарау. Осы мақсатта №14 мектеп-гимназиясының 55 мұғалімі, 850 оқушысы және 50-ге тарта ана-аналардың қатысуымен «Қазақстан-ортақ үйіміз» атты достық фестивалі өтті. Мектебімізде отыз сынып, отыз ұлттың әдемі киімдерін киіп, салт дәстүрлерін көрсетіп, әндерін шырқап, билерін биледі. Фестиваль шерумен басталып, соңында барлық ұлттар бір шаңырақ астына жиналып, 10 «Ә» сыныбы қазақ елі және 7 сынып оқушысы Кушенов Исламның орындауында Е.Хасанғалиевтің «Атамекен» әнімен аяқтады.
Өскелең ұрпақ осы татулықты әрі жалғастырады, себебі бейбітшілік, тыныштық пен татулық біздің Отанымыздың кейінгіге қалдырар мұрасы деп білеміз.