Қосымша білім беру ұйымдарындағы роботехника үйірмелеріжайлы

Түсінік хат

 «Робототехника»үйірмесінің басты мақсаты оқушылардың ғылыми-техникалық шығармашылығын дамыту.Робототехника - ол бірнеше пәннің үйлесім табуы. Құлтемірді жасаған кезде алдымен бағдарламасын жазады. Бағдарлама жасау барысында міндетті түрде математика, информатика, физика, геометрия пәндерінің элементтерін пайдаланады.

  Роботты құрастыру оңай болғанымен, бағдарламалауға келгенде қиындықтар болады. Бір роботты құрастыру мен бағдарлама жазып шығуға кететін уақыт мөлшері оның күрделілігі бойынша анықталады. Робот құрастырғанда бөлшектерінің мығымдығы мен беріктігі де оның шыдамдылығын арттырады. Күрделі бағдарлама роботты күшейтеді.  Мәселен, олар математика пәнінен бір формула үйреніп келетін болса, үйірмеде сол формуланы пайдалана отырып, өздері тәжірибе жүзінде шыңдайды. Физикалық есеп арқылы роботты, оның қимылын жасайды. Робот жасау арқылы балалардың ойлау қабілеті дамиды, бағдарлама жасап үйренеді.

  Оқушылар үйірме жұмыстарының барысында әртүрлі есептерді шығару үшін роботтардың үлгілерін әзірлейді, оларды жасау техникасын бағдарламалайды және роботтар құрастырады. Бағдарлама аптасына 4,5 сағат( бірінші аптада 2-сағаттан 2 рет, екінші аптада 2сағаттан 1 рет және 3сағаттан 1рет) құрылган. Бұл бағдарлама 8 бен 15 жас аралығындағы оқушыларға арналған.  Курстың теориялық материалдары практикалық бөлігімен сәйкестендірілген.  Оқушылар 4 немесе 6 адамнан тұратын топта жұмыс жасап, күрделі роботтарды жинақтайды және тестілеуден өткізеді. Нәтижесінде оқушылар өз жобаларын жүзеге асыра алады.

 Үйірме жұмысы техникалық өнім-моделін өз бетінше әзірлеу бойынша логикалық ойлауының дамуына, білік пен дағдыларының дамуына ықпал етеді.

Мақсаты:

Робототехника құрал-жабдықтар  көмегімен  пайдалы дағдылар мен ғылыми-техникалық бағыттағы креативті шығармашылық ойлауды ,  сонымен  қатар стандартты емес шешімдерді табу үшін ынталандыру  және мотивациялық потенциалды жеке тұлғаны қалыптастыру

Міндеттері:

• Оқушылардың танымдық қызығушылығын, интеллектуалдық және шығармашылық қабілеттерін дамыту
• Өз бетінше бағдарлама компоненттерін қолдануға және оның мазмұны арқылы өз білімдерін жақсарту.
• Оқушылардың сыни ойлау дағдыларын арттыру
• Мәселені тапқырлықпен шешу дағдыларын қалыптастыру
• Оқушылардың ғылыми логикасы мен ғылыми базасын дамыту

Оқушылардың дайыдығына қойлатын талаптар:

• Жеке және топтық жұмыстарды ұйымдастыру
• Топтасып жобалауға, мақсаттар қоюға, болжам жасап, оны дәлелдеуге, қажетті ақпаратты іздеуге, тәжірибелер жасап, атқарылған жұмыс нәтижелерін ұсынуға, талдау жасауға және жасаған жұмысын бағалау
•  Жобаны шығармашылықпен қорғау
• Диалог құруда/жазуда қажетті сөздік қорды пайдалануы үшін  жүйелі тілдік  қолдану

Кәсіпке бағдарлау:

жаратылыстану-ғылыми бағыттағы математика, физика, информатика және т.б. пәндер бойынша алған білімі мен дағдыларын кіріктіре отырып, робот техникасы, инженерлік дизайн және технология  мамандықтарына негізделген.

Үйірмені ұйымдастыру формасы: дәріс,ойын,роботты құрастыру мен бағдарлама жазып шығуға, есептер шығару, топтық және жұптық жобалар жасау, жарыстар,топтық, зерттеушілік және эксперименталды жұмыстарды жасау

Үйірме оқытуды аяқтау формасы:

Роботтарды жинастыру, модельдеу және құрастыру

Роботтардың таныстырылымы және сайысы.

Жеңімпаздарды анықтау.

Күтілетін нәтиже:

• Түрлі мақсаттағы міндеттерді жүзеге асыру  үшін роботтарды жобалау
• Қарапайым роботтарды басқару
• LEGO® MINDSTORMS® Education EV3 жәнеLEGO® Digital Designerбағдарламаларында жұмыс жасай алу
• Шығармашылықпен жұмыс жасай білу
• Құрастыру, модельдеу және бағдарламалау дағдыларын пайдалану адамның түрлі салалардағы қызметін жеңілдету және жақсартуға қажетті құрал-жабдықтар жасауға және тың ойларды пайдалану
• Құрастырғыштың ұсақ бөлшектерін қолдану арқылы балалардың саусактарының ұсақ қимылдарын  дамыту

Бағдарлама мазмұны

1 бөлім:     КУРСҚА КІРІСПЕ ЖӘНЕ LEGO® MINDSTORMS® EV3-МЕН                                                                                                                               ЖҰМЫС ІСТЕУ НЕГІЗДЕРІ.Робот техникасы курсына кіріспе: Робот техникасының негіздері, пайдалану салалары, түрлері.Робот техникасының тарихы және болашағы. LEGO® MINDSTORMS® EV3 Education жинағы.EV3 модулі.Роботтың негізгі үлгісін құрастыру.Моторлар және датчиктер.EV3 модулінің интерфейсі. EV3-дің бағдарламасы.LEGO® Digital Designer бағдарламасында роботтың негізгі үлгісін модельдеу.

2 бөлім:     МОТОРЛАР АРҚЫЛЫ ҚОЗҒАЛЫС .EV3-ге алғашқы бағдарламаны жасау.Үлкен моторлардың қозғалысы: Рульдік Басқару блогы.

«Биші Робот» жоба.Роботтың қолын қозғалту: Орташа Мотордың блогы.

«Үлкен Мотор блогы.«Күшік» роботын құрастыру.

3 бөлім:     БҰРЫЛЫСТАР. Бір орындағы бұрылыс: Моторларды Тәуелсіз басқару блогы.«Көлік тұрағы» жобасы және берілген тапсырмалар бойынша командалық жұмыс.

4 бөлім:     ДАТЧИКТЕР. Жанасу датчигі. «РобоҚол» роботын құрастыру. Ультрадыбысты датчик. Кедергілерге реакция және оларды анықтау. «Сигналдар» жоба . Гироскопиялық датчик. Бұрыштық ауытқуды анықтау. «Маневр» жоба  құрастыру.Түс датчигі.  «Бағдаршам» жоба.

5бөлім:     ТОПТАҒЫ ЖАРЫСТАР. Идеялардың таныстырылымы.Өз роботтарының үлгісін жасау. Роботты бағдарламау және тестілеу.Практикалық тұрғыдан қолдану.Роботтардың таныстырылымы және сайысы. Жеңімпаздарды анықтау.

" РОБОТОТЕХНИКА" үйірмесінің 2019-2020оқу жылына арналған күнтізбелік жоспары