2014 жылдың 25 мамыр күні біздің мектепте Соңғы қоңырау мерекесіне арналған салтанатты жиын болып өтті. Айтулы күні мектеп партасынан 29 оқушы ұшып шықты. Мектеп директоры Р.М.Галимуллина үздіктерді, зияткерлерді, мектеп спортсмендерін құттықтап, бағалы сыйлықтар табыс етті. Директордың ОТЖ орынбасары М.А.Кунанова, 10-сынып оқушылары, сонымен бірге алғашқы мұғалімдер өз лебіздерін білдірді. 11 сынып түлектерін құттықтауға бірінші сынып оқушылары келіп, өз аға-әпкелеріне ыстық ықыластарын білдірді.

    Осы мерекенің ең маңызды сәті – соңғы қоңыраудың сыңғырлауына кезек келді. Соңғы қоңырауды 1д сынып оқушысы Котлер Ульяна мен 11а сынып оқушысы Қайратбек Нұрсұлтан сыңғырлата соқты. Сынып жетекшілері А.Г.Гундрум мен Қ.Т.Омарова өз оқушыларына ақ жол тіледі.