12–16 қаңтар аралығында «Психология – ғажайып ғылым!» тақырыбындағы психологиялық апталық

«Заң және тәртіп» айлығының аясында мектептің педагог-психологы Әбілова Алтынгүл Жайнатқызының ұйымдастыруымен «Психология – ғажайып ғылым!» тақырыбындағы психологиялық апталық 12–16 қаңтар аралығында өтеді.
Психологиялық апталықтың мақсаты – оқушыларға, педагогтарға және мектеп қызметкерлеріне позитивті көңіл-күй сыйлау, психологиялық мәдениетті арттыру.
Бүгін психологиялық апталықтың ашылуы «Жақсы көңіл-күй – жан шуағы» тақырыбымен өтті.
Ашылу барысында «Ақпараттық айдар» аясында психологиялық сауаттылықтың негіздері туралы мағлұмат берілді.

https://www.instagram.com/reel/DTae7yCjdGp/?igsh=MTRucjVjYjFhcXA2MA==

12–16 қаңтар аралығында мектебімізде «Психология – ғажайып ғылым!» атты психологиялық апталық

2026 жылдың 12–16 қаңтар аралығында мектебімізде «Психология – ғажайып ғылым!» атты психологиялық апталық өтуде.
Психологиялық апталық аясында «Ашу-ызаны басқаруды білеміз бе?» тақырыбында оқушылар мен педагогтерге арналған арт-терапиялық іс-шара ұйымдастырылды. Іс-шара жағымды қарым-қатынас қалыптастыруға, жылы сөйлесу мәдениетін дамытуға және көңіл күйді көтеруге бағытталды.
«Жылы сөз – жанға дауа» қағидасын негізге ала отырып, қатысушылар позитивті эмоциямен бөлісіп, бір-біріне қолдау көрсетті. Бұл жұмыстар ұжымда және оқушылар арасындағы қарым-қатынаста сыйластық пен түсіністікке негізделген жағымды психологиялық ахуал қалыптастыруға ықпал етті.
Арт-терапия барысында қатысушылар өз эмоцияларын шығармашылық жолмен білдіріп, ашу-ыза сезімін тану, оны қауіпсіз түрде шығару және басқару тәсілдерімен танысты.
Іс-шара психологиялық жайлылықты арттыруға, эмоциялық күйді тұрақтандыруға бағытталды. Оқушылар мен педагогтер бір-біріне жылы лебіз білдіріп, жақсы тілектер айтты.
Психологиялық апталық аясындағы жұмыстар алдағы күндері де өз жалғасын табады.

https://www.instagram.com/reel/DTdA-NGDYjr/?igsh=ZHI5MXNzeWRmZmtz

12–16 қаңтар аралығында мектебімізде «Психология – ғажайып ғылым!» атты психологиялық апталық

Психология – ғажайып ғылым апталығы аясында оқушылардың шығармашылық қабілетін дамыту, эмоцияны сурет арқылы білдіруге үйрету, психологиялық жайлылық қалыптастыру мақсатында «Әлемге күлкіңді сыйла» тақырыбында сурет салу ұйымдастырылды. Оқушылар өз суреттері арқылы қуаныш, күлкі, мейірімділік пен жағымды эмоцияларды бейнеледі. Әр бала суретінде өзінің ішкі сезімін, өмірге деген оң көзқарасын еркін көрсете алды. Оқушылар белсенді қатысып, көңілді атмосфера орнады. Сурет салу барысында балалардың қиялы, эмоционалдық күйі мен өзіне деген сенімі артты.

https://www.instagram.com/reel/DTfaxoMje0_/?igsh=YWxtaTI0OHZmN2xz

8-сынып ата-аналарына арналған психологиялық сағат

Ата-аналарды педагогикалық қолдау орталығы мамандары 8-сынып ата-аналарына арналған
«Жасөспірім және ата-ана: бір-бірін қалай естуге болады?» тақырыбында
психологиялық тренинг ұйымдастырды.
Іс-шараның мақсаты – жасөспірім кезеңіндегі балалардың психологиялық ерекшеліктерін түсіндіру, ата-ана мен бала арасындағы өзара сенімді қарым-қатынасты нығайту, тиімді тыңдау және түсіну дағдыларын дамыту.
Тренинг барысында ата-аналарға психологиялық кеңестер беріліп, тәжірибелік жаттығулар ұйымдастырылды. Қатысушылар өз ойларымен бөлісіп, бала тәрбиесіндегі өзекті мәселелер бойынша пікір алмасты.
Іс-шара ата-аналар тарапынан үлкен қызығушылық тудырып, мазмұнды әрі пайдалы форматта өтті.

https://www.instagram.com/reel/DT-w2VZDXGB/?igsh=MWMwanpzdXV2OWQ5MA==

Жалпы оқушыларға арналған құқықтық сағат

Құқықтық лекция «Кәмелетке толмағандар арасындағы кылмыстық әрекеттің алдын алу».

https://www.instagram.com/reel/DTilAUVDfPP/?igsh=MWYwcDRtbWFmaTVjdA==