Мектебіміздің мақтаныштары, кадет сыныптарынан құралған "Ералаш" командасы 4-12 ақпан аралығында Астана қаласында өткен "Маусымашар-2019" республикалық фестивальға қатысып, 1/8 финалға жолдама алды.

«Ұлы Дала Дарыны»

Алматы қаласында өткен Республикалық балалар байқауы және телевизиялық жобасының «Аспапта ойнау» номинациясы бойынша мектепіміздің кадет сыныбының  оқушысы Иманжанов Ерасыл лауреат  атағына ие болды.  

 

 

Мәңгілік Ел-  жастардың жарқын болашағы

   Жалпы білім беретін №77 мектеп- балабақша кешенінде 5-сыныпқа қабылданған Ұлттық Ұландар сыныбының  салтанатты ант қабылдау рәсімі өтті. Аталған рәсімге ата-аналар, №58; 91; 35 мектептер мен №4 мектеп-интернаттың кадет тәрбиеленушілері, Ұлттық Ұландар тәрбиеленушілерін өз қамқорлықтарына алған №5451 әскери бөлімі жанындағы «Бүркіт» арнайы жасағының сарбаздары қатысты. Қарағанды мемлекеттік техникалық университеттің алғашқы әскери дайындық кафедрасының меңгерушісі Алишев Б.Ж. және аталған университеттің оқытушысы, педагогика  ғылымының  докторы Исманова Б.С. шағын аудан тұрғындары Ұлы Отан соғысының ардагерлері  Есжанов Бүркіт, тыл ардагері  Жұмабеков  Қарсыбек, Октябрь ауданы ардагерлер кеңесінің мүшесі Тельман Нурманов аталар,  №78 мектеп жанындағы авиация және ғарышкерлер мұражайының директоры Карибекова М.А. салтанаттың құрметті қонақтары болып,  ертеңгі болашақтың іргетасы, кемел келешектің иелері-жастарға игі тілек, ақ баталарын берді. Ел Тәуелсіздігінің 25 жылдығы қарсаңында өткізіліп отырған Ұлттық Ұландар қатарына  қабылдау рәсімі салтанатты жағдайда өтті. Ұлттық Ұландардың көпшілік назарына ұсынған саптық дайындық-дефельесін мектеп ұстаздарының хоры «Мәңгілік елім» әнін орындау арқылы сүйемелдегені өте әсерлі шықты. Сонымен бірге тәрбиеленушілер әскери сап, қоян-қолтық күрес,әсем вальс, хор өнерін көпшілік назарына ұсынды.

 

 

 

 

 

 

"Бүркіт" арнайы жасағы- патриот жастар арманы

 №77 мектеп-балабақша кешенінің Ұлттық Ұлан тәрбиеленушілері  Қазақстан Республикасы ішкі істер Министрлігі жанындағы «Бүркіт» арнайы жасағының құрылғанына 17 жыл толу құрметіне орай өткізілген іс-шараға қатысып қайтты.Батырлық пен ерліктің, табандылық пен төзімділіктің символы-  Ұлттық ұланның арнайы мақсаттағы бөлімшесінің сайыпқыран жауынгерлері мектебіміздің Жас Ұлттық Ұландар тәрбиеленушілерін өз қамқорлықтарына алған. Жас Ұлттық Ұлан тәрбиеленушілері жауынгерлерге сазды ән мен әсем грузин биін өздерінің орындауларында тарту етті. 

              

    

 

Қазақстан Ұлтық Ұландар тәрбиеленушілері авиация және ғарышкерлер мұражайында

 

Қазақстан Республикасы Тәуелсіздігінің 25 жылдығына арналған іс-шаралар аясында  мектебіміздің  Тоқтар Әубәкіров атындағы Ұлттық Ұландар тәрбиеленушілері  №78 мектеп жанындағы авиация және ғарышкерлер мұражайына барды. Мұражай жетекшісі М.А. Карибекова балаларға авиация тарихы мен ғарышкерлер қызметінің ерекшеліктері жайлы, тұңғыш ғарышкер Тоқтар Әубәкіров, Талғат Мұсабаев, Айдын Айымбетов, тағы да басқа ғарышкерлер өмірі, еңбектері жайлы қызықты, танымдық ақпараттар берді.

 

  

  

  

 

 

Қарағанды қаласының білім бөлімінің   жылдық жоспары  бойынша   №77 мектеп-балабақша кешенінде  қала мектептерінің  5-сыныптарында  оқитын  кадет тәрбиеленушілері арасында әскери –дала жиыны өтті. Әскери дала жиыны барысында тәрбиеленушілер мергендік атыс өнері, жарақаттанған адамға алғашқы көмек көрсету, противогазбен жүгіру, қашықтыққа граната  лақтыру,  құзда  жылдам өрмелеу, 1000 м. қашықтыққа жүгіру және дене шынықтыру дайындықтарын  сараптайтын жаттығу түрлерін орындады. Әділқазылар алқасының құрамы №5451 әскери бөлім қызметкерлерінен болды. Шараны өткізуге «Астана» өңірлік әскери қолбасшылығы зор  қолдау көрсетті. №31375  әскери  бөлімінің әскери үрмелі оркестрі әскери марштарды орындап, қатысушыларға көтеріңкі көңіл күй сыйлады. Сайысқа №77 МББК-інің,  №№35; 58; 91 мектептердің кадет тәрбиеленушілері қатысты.

 

 

 

  

  

  

  

  

  

  

  

  

  

  

  

  

  

  

  

Қарағанды облыстық 2016 жылғы жайдарман чемпионатында «Кіші финал» сайысында үздіктердің қатарынан көрініп, IIорынды иеленген №77 мектеп – балабақша кешенінің   «Ералаш» жайдарман тобы марапатталды! Жеңістерің  құтты болсын!

  

  

  

  

  

Тоқтар Әубәкіров атындағы  Ұлттық Ұландар сынып  тәрбиеленушілері Қазақстан Республикасы «Орталық»  Ұлттық гвардия өңірлік басқармасы Қолбасшысының кубогы үшін, Қарағанды облысы кадеттік сыныптар арасында өткен «Ең үздік кадеттік сынып» байқауында  2 орын иеленді

  

  

  

  

  

19 ақпанда Кеңес әскерлерінің  Ауғанстаннан шығарылуына 27 жыл толуына арналған  «Мен елімнің жас патриотымын»  атты Ауған соғысының ардагерлерімен кездесу өтті.

Кездесуге Ауған соғысының ардагерлері  Касенов Кожахмет Сағындықұлы, Меримбаев Мұхамедқали Умітбайұлы, Қарағанды Мемлекеттік Техникалық Университетінің Алғашқы Әскери дайындық кафедрасының меңгерушісі Алишев Болат Жаманбаевич қатысты.

Ардагерлер  Ауған соғыс кездерін еске алып, Қазақстаннан барған  ер азаматтардың  ерлігі туралы айтты,  Ұлттық Ұландар сыныбы  тәрбиеленушілерінің және ҚарМТУ студенттерінің сауалдарына  жауап берді.

Өздерінің  ерлігімен өнеге бола білген  ардагерлеріміз жас ұрпаққа  ағалық ақылдарын айтты.

 

Кездесу  өте жоғары деңгейде өтті!

  

  

 

  

  

  

ҚҰТТЫҚТАЙМЫЗ!!!  

 

  

  

22 желтоқсан  күні Халық қаһарманы, Кеңес Одағының батыры, сынақшы-ұшқыш, қазақтың тұңғыш  ғарышкері  Тоқтар   Әубәкіров  №77 мектеп-балабақша кешенінде Ұлттық Ұландар сыныбы тәрбиеленушілерінің салтанатты ант қабылдау рәсіміне қатысты. Батыр тәрбиеленушілердің ата-аналарына, ұстаздарына алғыс айта отырып, болашақ сарбаздарға игі тілектерін жеткізді. Салтанатты рәсімге қатысушылар аталған кездесуден толқынысты әсер алды. Шара барысында Ұлттық Ұлан сыныбы тәрбиеленушілері  өздерінің жоғары саптық дайындықтарын,саптык тәсілдерді игеру дағдыларын, шығыстық  жауынгерлік  өнер жаттығуларының бірі-қоян-қолтық  күрес әдістерін көрсетіп, әскери хор үлгісін және болашақ офицерлер вальсінен өнерлерін ортаға салды.  

  

  

  

  

  

  

  

  

  

  

№77 мектеп-балабақша кешенінің Ұландар сыныбы  №5451 әскери бөлімінің «ашық есік күні»  салтанатына қатысып қайтты. Ұландар әскери бөлім тарихы жайлы мәліметтер алып, қару-жарақтар көрмесін тамашалады. Әскери бөлімнің ардагерлерімен кездесіп, Отан қорғаушылардың ерен еңбектерімен танысты. Соңында мерекелік концертті тамашалады. Мектептің педагогикалық  ұжымы мен оқушылары  атынан  Медеубаева Д.М.   әскери бөлімнің туған күнімен құттықтап,Отанымыздың тыныштығын қорғау мақсатындағы   айбынды қызметтеріне сәттілік, еңбектеріне, жауынгерлік даярлықтарына табыс тіледі. 

 

 

 

  

  

  

  

Ұлттық Ұлан сыныбының тәрбиенушілері облыстық  «Жас офицерлер балына» қатысып,  өз  өнерлерімен көрермендерін  тамсандырды. Қарағанды облысының жас офицерлер балын өткізуге белсенді қатысқаны үшін Қарағанды облысының жастар саясаты мәселелері жөніндегі басқармасының Алғыс хатымен марапатталды.