2016-17 оқу жылында 1 сыныпқа қабылданатын бөбектерді мектепке даярлау үшін«Бөбектер мектебі» ұйымдастырылды.
Бөбектер мектебінің негізгі мақсаты баланың жеке жас ерекшелігінің мүмкіншіліктерін аша отырып, бала тұлғасын жан-жақты дамытуға, жалпыадамдық, ұлттық құндылықтарға негізделген білім жүйесін қалыптастыруға, әлеуметтік ортада оң қатынастарға қабілетті шығармашыл тұлғаны дайындауға бағытталған мектепке дейінгі ересек жас балаларын тәрбиелеу мен оқытудың мақсаттарын шешу болды.
Жұмыс жүйелі жүргізілу үшін бала дамуының негізгі заңдылықтары мен оның психикалық, физиологиялық өсуіне жағдай жасау мәселелері қарастырылған бағдарлама құрастырылды.
Бағдарлама мектепке дейінгі балалардың тұлғалық дамуын қамтамасыз етіп және оны мектепте оқуға дайындауға бағытталған.
Бағдарламаның мазмұнын іске асыру үшін – белгілі бір мақсатқа бағытталған, бір-бірімен тығыз байланысты дербес бөлімдерден тұратын жұмыстар жүргізілді.
«Денсаулық» сабағында балалардың денсаулығын нығайтуға, салауатты өмір салтының ережелерін саналы түрде сақтауын қалыптастыруға, бала ағзасы мен маңызды қозғалыс дағдыларының функционалды мүмкіндіктерін жетілдіруге бағытталған ойындар мен жаттығулар жасалды.Мысалы музыкалық,қимылды, сюжеттік-рөлдік, дидактикалық ойындар ойналды.
«Қатынас» сабағындабайланыстырып сөйлеуін, мектепке дейінгі ересек жастағы балалардың тілдік әрекетке жеке қабілеттерін, мазмұнды диалог пен монолог құра білу іскерлігін, сауат ашу және жазуды меңгеруге дайындау мақсатында тілдік шығармашылығын көрсетуге бағытталған жұмыстаржүргізілді.Сөздік жұмыстар жүргізіліп,сөйлеу тілдері қалыптастырылды. Жазуға дайындық жүргізіліп,сызбалық, графикалық диктанттар жазуға дағдыланды.
«Таным» сабағында баланың қоршаған ортада бағдарын кеңейтіп, толықтыру, салыстыру, талдау, жалпылау, байқау, үлгілеу, қарапайым іздеу әрекеттерін меңгеру, табиғатты қорғау тәсілдерін меңгеруі, түрлі ақпарат көздерімен жұмыс істеу дағдыларын қалыптастыруға бағытталған іс-әрекеттер ұйымдастырылды.Бұл сабақта сан мен цифр, геометриялық фигуралар, уақыт тәрізді математикалық ұғымдармен танысып,табиғат құбылыстары, тірі және өлі табиғат әлемі жайлы мәліметтер алды.
«Шығармашылық» білім беру сабағында баланың әлемге деген эстетикалық қатынасы мен ұлттық, классикалық танымдарын қарастыруға бағытталған жұмыстар жасалды. Балалар шығармашылығы мен әрекеттерін біріктіру арқылы балалардың көркемдік қабілеттері қалыптастырылды.Сабақ барысында заттық жапсыру, сурет салу,мүсіндеу,сәндік жапсыру,сурет салу сияқты жұмыстар жасалды. Жағдайдан тыс-тұлғалық қарым-қатынас пен сюжеттік-рөлдік ойындардың нәтижесінде балардың өзара қарым-қатынасы мен әлеуметтік жағдайы туралы түсініктері, сөздік-қисынды ойлау қабілеттері дамыды. Ең алдымен, балалар ортақ түсініктер бойынша әрекет ету қабілетін меңгерді.
Мектепке дейінгі баланы тәрбиелеу мен дамытудың қорытынды нәтижесі - үлкендермен және құрдастарымен қалыпты қарым-қатынаста бола алатын, негізгі құзыреттілікті және дене тәрбиесі, салауатты өмір салты негіздерін меңгерген, мектепте оқуға дайын тұлғаны қалыптастыру болып табылады.
Сабақтан бос уақыттарда оқушылар компьютер залында презентацияларға дайындалса, кейбір оқушылар сыныпта шахмат ойнап үйренді, әр түрлі ойындар ойнады.
Оқушылардың денсаулығын жақсарту үшін мектеп ауласына серуенге шығып, қозғалыс ойындары ойналды. Үзіліс кезінде музыка ырғағымен сергіту жаттығулары жасалды.
Жазғы мектептің әр жұмасында оқушылар зообаққа, табиғатқа саяхатқа барды. Мектеп оқушыларының дайындаған қуыршақ театрының қойылымын тамашалады. Алған әсерлері, көрген-білгендері жөнінде әңгіме жазып, сурет салды.
Жазғы оқу кезінде оқушылар қауіпсіздік ережелерімен таныстырылып, әңгімелер жүргізілді.
Жазғы мектеп оқушылардың жазғы демалысын мазмұнды да қызықты, әрі жақсы өтуіне мүмкіндік жасады. Жазғы мектептегі әр сынып мұғалімдері 1 сынып бойынша Хусман К.,Ахметова А.Б., 2,3 сыныптар Ахметова А.С., 4 сыныптар Малыбаева К.Р., орыс сыныптары бойынша 1-4 сыныптары бойынша Идрисова Ж.А. және Хмель Л.М.., Бөбектер мектебі Гелашвили М.В. өз жұмыстарына үлкен жауапкершілікпен қарап, жазғы оқудың дұрыс, қызықты өтуіне өз үлестерін қосты.
"БӨБЕКТЕР" мектебінің оқушылары
