12.04.2022
12- сәуір Ғылым күні. Осыған орай мектебімізде "Талап" оқушылар ғылыми қоғамымен бірлесе 2-11 сынып оқушылары арасында "Ғылым - теңіз, білім - қайық" атты ізденіс керуені ұйымдастырылды. Мерекелік шарада оқушылар мен ұстаздар бірлесе зерттеп келе жатқан ғылыми жұмыстарындағы жаңалықтарымен бөлісті. Ізденіс керуенінің оқушыларға берері көп болды.
09.04.2022
«Дарынды оқушы – білімді ұстаздан» жобасы аясында 09.04.2022 күні «Қазіргі таңдағы ұстаз бен шәкірт» атты оқушылар мен ұстаздар арасында пікір алмасу шарасы өткізілді. Шараны жоғары деңгейде психолог М.А.Акишева ұйымдастырды. Оқушылар мен ұстаздар бірлесе отырып, оқу мен білім алудағы кедергілер мен қиындықтарды жоюға, болашақта табысқа жетер жолды бірлесе қарастырды.
Шараға 8-11 сынып оқушылары мен, пән мұғалімдері қатысты. Өте қызықты, тартымды өтті.
05.03.2022
05.03.2022 күні ОҒҚ мүшелері мен бастауыш сынып мұғалімдерінің ұйымдастыруымен көктемнің алғашқы мерекесі халықаралық әйелдер мерекесі қарсаңында мектептегі барлық әйел аналарға арналған «Әнім сенсің - жан ана» атты мерекелік шара болып өтті. Мерекелік шараның ерекшелігі 1-4 сыныптағы дарынды, талантты оқушылар мен сынып жетекшілерімен бірлесе өнер көрсетуінде. Сонымен қатар оқушыларды, ұстаздарды жаңа қырынан көрсету. Шараға ардагер ұстаздар қонаққа шақырылды. Концерт жоғары деңгейде өтті. Мереке құтты болсын! Дарынды да, талантты шәкірттеріміз көп болсын!
19.02.2022
"Дарынды оқушы - білімді мұғалімнен" жобасы бойынша мектепте 5-11 сынып оқушылар арасында "Кең дүние, төсіңді аш, мен келемін!" атты мәнерлеп оқу сайысы ұйымдастырылды. Сайыстың жеңімпаздары марапатталды. Жеңімпаздарды құттықтаймыз.
12.01.2022
Оқушылардың демалысы уақытында «Дарынды шәкірт – білімді ұстаздан» жобасы бойынша ұстаздар арасында «Үйренерсің, іздеп көрсең – қалмасаң» атты тәжірибе алмасу сағаты болып өтті. Тәжірибе алмасу сағатын бірінші деңгейлік курстан өткен, педагог зерттеушілер А.М.Баяндина мен Д.Т.Біләл мұғалімдер ұйымдастырды. Жас мұғалімдерге пайдасы көп болды.
15.12.2021
«Ахмет Байтұрсынұлы– ұлттың ұлы - ұстазы» оқушылардың ғылыми конференциясы «Дарынды оқушы – білімді ұстаздан» жобасы аясында оқушылардың «Талап» ғылыми қоғамының ұйымдастыруымен 15 желтоқсанда «Ахмет Байтұрсынұлы – ұлттың ұлы ұстазы» атты 4-9 сынып оқушылары арасында ғылыми конференция ұйымдастырылды.
Іс -шараның мақсаты - А.Байтұрсынұлының өмірі мен шығармашылығымен таныстыру, оқушылардың ой -өрісін кеңейту. Оқушыларды ғылыми жұмысқа қызығушылығын тудыру.
Ахмет Байтұрсынұлының ғылыми -педагогикалық еңбектерінің нәтижесінде бізде қазақ әліпбиі, қазақ тілінің фонетикасы, синтаксисі мен этимологиясы, әдебиет теориясы мен мәдениет тарихы бар. А.Байтұрсынұлы осы тынымсыз еңбегімен қазақ әдебиетін жоғары деңгейге көтеріп, ұлттық мектеп пен қазақ әдебиетінің берік негізін қалады. Ол халық жадында қазақ ғылымы мен мәдениетінің жарқын сәулесі болды және қалды.
Конференцияда орта буын оқушылары өздерінің ҰЛЫ ҰСТАЗ туралы дайындап келген баяндамасы мен шығармаларына терең үңіліп, мыалдарына көрініс те көрсетті. Шара соңында оқушылардың ғылыми қоғам мүшелері өздеріне алған әсерлерімен бөлісіп, оқушыларға алғысын білдірді.
14.12.2021
«Дарынды оқушы – білімді ұстаздан» жобасы аясында 11.12.2021 күні 8-11 сынып оқушылары арасында «Қоғамға гуманитарлық немесе жаратылыстану бағыты маңыздырақ деп есептейді» тақырыбында дебат ұйымдастырылды. Дебатқа екі команда қатысты.
Мақсатымыз оқушыларды кәсіптік білім беру бағдарламаларын игеруге дайындау, олардың кәсіптік бағдарлары үшін жағдай жасау, оқушылардың арнаулы бейімділігі мен қызығушылығын, танымдық қасиеттерін дамытып, жоғары сынып оқушыларының мамандық таңдауда дұрыс ой салу болды. Дебатта мамандық таңдауға байланысты оқушылар сыни және шығармашылық тұрғыдан өткір ой -пікірлерін еркін жеткізіп, дауларды дипломатиялық жолмен шешіп отырды. Дебаттың қызықты болғаны соншалық 11 сынып оқушылары келесі аптада тағы ұйымдастырылуына ұсыныс жасады. Дебатты мектептің «Талап» ОҒҚ-ның мүшелері сараптап өз ойларын ортаға салды.
20.11.2021
Тәуелсіздігіміздің 30 жылдығына орай «Дарынды оқушы –білімді ұстаздан» атты жобаның аясында жас мұғалімдердің біліктілігін және ой ұшқырлығын жетілдіру, талантын айқындау, іскерлік қабілеттерін анықтау, сайыстарға қатыстырып шеберлігін шыңдау мақсатынды «Кешегі оқушы, бүгінгі ұстаз» атты сайыс ұйымдастырылды. Сайысқа бастауыш сыныптар бірлестігі, жаратылыстану –политехникалық әдістемелік бірлестігі, гуманитарлық пән мұғалімдері бірлестігі, өнер, технология, дене шынықтыру мұғалімдер бірлестігі және тәрбиешілер бірлестіктері қатысып, өз өнерлері мен білімдерін ортаға салды. Сайыс алты кезеңнен өтті. Көрермендер қатысушы мұғалімдердің талантына тәнті болды. Сайыс соңында әділ-қазылардың төрелігімен анықталған жеңімпаздарды мектеп директоры марапаттады.
Оқушылардың дарындылық пен шығармашылықты дамытудың түрлі жолдарының ішінде баланың өзіндік зерттеу тәжірибесі әлдеқайда тиімді болып табылады.
Питер Клайнның «Балаға өз бетімен зерттеуге мүмкіндік туғызған сайын одан әрі жақсы оқи түседі» деп айтқан қағидасын ескере отырып, №68 мектеп-интернатында 8-11 сынып оқушылар арасында әр оқушының зерттеп жүрген тақырыбы бойынша ғылыми жобаның таныстырылымы болды. Таныстырылым оқушыға ой салып, қызығушылығын оятатындай жоғары дәрежеде өтті. Ғылыми жобаны өткізуде мектебіміздің жанынан құрылған оқушылардың «Талап» ғылыми қоғамының мүшелері сарапшы болды. Ұсынылған ғылыми жоба жұмыстарды сарапшылар ұшқыр ой, өткір тілдерімен сараптап, өз ойларын ортаға салды. Ұйымдастырушылар: Альхан Анар, Жанай Айжан, Тишмагамбетова Самал Аманбаевна
Қазан айында ұйымдастырылған "Ұстазым-ұлағатым" республикалық дарынды балалар мен жасөспірімдер арасындағы өткізілген байқауға 9- сынып оқушысы Сабитова Дария қатысып, 1- орынға ие болды. Ұстазы С.И.Абильгазинді және шәкіртін шын жүректен құттықтаймыз.
Алар асуы көп болсын!
“Қарағанды қаласының білім бөлімі”ММ және “№73 негізгі орта мектебі” КММ “ ұйымдастыруымен өткен “Табиғатты бірге сақтайық!” шығармашылық байқауына
1 “А” сынып оқушысы Зекенова Айсезім қатысып, Грамотамен марапатталды.Құтты болсын!
Жетекшісі: Жакентаева С.С
«Дарынды оқушы – білімді ұстаздан» жобасы аясында қараша айында мектебімізде шәкірт тәрбиелеп, оқыту саласында жұмыс істеп жүрген педагогтар арасында «Мұғалім мен оқушы қарым-қатынасы» атты өзара тәжірибе алмасу сағаты К.К. Махметова мен М.А. Акишеваның ұйымдастыруымен болып өтті. Тәжірибе алмасу сағаты педагогикалық қоржынымыздың толуына үлесін қосты. Оқушылар мен мұғалімдер ынтымақтаса жұмыс жасауда мұғалім алдына қойған мақсаттарын ойдағыдай іске асырып, өзінің кәсіби жұмысының жемісіне жете біледі. Қазақ халқының тұңғыш педагогы Ы.Алтынсарин «Мен үшін - мұғалім бәрінен де артық, өйткені мұғалім мектептің жүрегі», деген мектеп беделін көтеріп, шәкірттерін болашағымыздың азаматы етіп тәрбиелейтін, өмір жолында өз бағытын тандауға жол көрсететін - мұғалім. Сондықтан да бүгінгі таңда мұғалімнің кәсіби шеберлігінің мәні зор.
«Мамандықтар әлеміне жол ашамыз”атты ашық республикалық байқауға
1”А“ сынып оқушысы Жандосұлы Айбар қатысып, Дипломмен марапатталды.
Құтты болсын!
Жетекшісі:Жакентаева С.С.
