Жанат Жаңқашұлы
«Өнегелі өмір» жобасы аясында мектебіміздің ұстаздарының ұйымдастыруымен Қарағанды қаласының тумалары, кешегі өткен сал-серілердің жалғасы, болмысы биязы ақын, мектебіміздің 2005 жылғы түлегі, аймақтық «Арқа ақшамы» газетінің бас редакторы, «Тәңір таңбасы» атты кітаптың авторы Жанат Жаңқашұлы ағамызбен, 2013 жылы арнайы ҚР мемлекеттік тапсырысы бойынша, «Жас толқын» сериясымен «Ақзер» атты жыр жинағы жарық көрген әдебиеттанушы, белгілі Л.Н. Гумилев атындағы Еуразия Ұлттық университетінің орыс филология кафедрасының оқытушысы, мектебіміздің 2010 жылғы түлегі ақын қызымыз Асан Ақеркемен онлайн кездесу өтті.
Ақындарымыз оқушыларға өздерінің еңбек жолдары мен өнегелі өмірімен таныстырды. Кездесу барысында танымдық, құнды ақпараттармен бөлісті. Оқушылар қонақтарымызға әртүрлі қызықты сұрақтар қойды. Кездесуге қатысқан оқушылар рухани байып, ақындық жолға қызығушылық танытты.
Осындай тұлғалар барда қазақтың ұлттық өнері өлмек емес. Алтын уақыттарын бөліп онлайн кездесуге қатысқандарына шын жүректен алғыс білдіреміз. Шығармашылық табыс, дендеріне саулық, отбасыларына береке-бірлік тілейміз.
Смағұлов Нұртас Бірлікұлы
Баймағанбетов Тимур Мулюкович
Садыков Нуржан Каиржанович
Талаптың мініп тұлпарын! Мектебіміздің түлегі Садыков Нуржан Каиржановичпен кездесу өткізілді.
Қойлыбай Асанұлы
Өлкеміздегі халықтың ыстық ықыласына бөленіп жүрген қаламгерлеріміздің өрнегі мол жырларын оқуға насихаттау, олардың өнегелі өмір жолдарын өскелең ұрпаққа өнеге тұтып, жастардың кітап оқуға құлшынысын, еліне, жеріне деген сүйіспеншіліктерін арттыру мақсатында мектебімізде «Өнегелі өмір» атты кездесу өтті. Кездесуге жергілікті ақын ағамыз Қойлыбай Асанұлы келіп, бір жасап қалдық. Кездесуге тарих, қазақ тілі пәнінің мұғалімдері мен мектеп оқушылары қатысты.
Поэзия –ақсүйек жанр. Көңілің аппақ, пейілің кең, жүрегің сезімтал, көкірегің ояу, өзің айтқыш болмасаң – жүгін алып жүруің екіталай. Ақын Қойлыбай Асанұлының өне бойында осы қасиеттердің барлығы тұнып тұр. №68 мектеп-интернатының конференция залында өткен ақынның оқырмандармен кездесу кеші мұны айғақтай түсті.
Шараны ұйымдастырушылар ақынға құрмет көрсетіп, алғыстарын білдірді. Естелікке фотоға түсіп, қолтаңба берді. «Көк тудың желбірегені» әні әуелеп, кеш мәресіне жетті.
Қалымбетов Данияр Жұмабекұлы
Қоғам үшін адамның жеткен жетістігі – бүкіл мемлекеттің жетістігі. Мектебімізде «Өнегелі өмір» жетістік пен табысқа жеткен адамдармен кездесу жобасын жүзеге асыру бойынша кездесу өз жалғасын тапты. Кездесуге Қарағанды қаласындағы жиі сұранысқа ие, атақты «Vogue» тойханасының иесі, жеке кәсіпкер Қалымбетов Данияр Жұмабекұлы келді. Қадірлі қонағымызбен сұхбат құрылып, оқушылар сұрақтар қойып, өз өнерлерін ортаға салды. Өзінің өмір жолын таныстырған Данияр Жұмабекұлы оқушыларға патриоттық тәрбие жайлы көптеген кеңестерін берді. «Өзіңе сен, өзіңді алып шығар, Еңбегің мен ақылың екі жақтап» деген хәкім Абайдың дана сөзін өмірлік ұстанымым деп есептейтін Данияр Жұмабекұлы өзінің балалық шағындағы қызық оқиғаларымен бөлісіп, оқушылардың қойған сауалдарына жауап беріп, жастық шақтың қадірін білуге, жетістікке жетуге талпыну керектігімен ой бөлісті.
