ЭКСПО-2017 – мем­лекетіміздің мығымдығын, еліміздің еңсе­лілігін, ойымыздың тереңдігін, халқымыздың қо­нақжай­лы­лығын, айналып келгенде ұлттың ұлылығын көрсететін тұс. Дәл солай боларына се­неміз. «Елбасының Жолдауын бәріміз тыңдадық. Президент «Қазақстан-2050» стратегиясын жария етті. 2030 жылға дейін қойылған мақсаттар мен міндеттер 2030-ға жетпей орындалды десем, қателеспеген болар едім. Себебі, бүгінде елімізді бүкіл дүниежүзі танып отыр. Оған дәлел - жақын арада ЭКСПО-2017 көрмесін өткізу үшін сынға түскенде Қазақстанды қолдап 103 ел дауыс берген. Жеңісті естіп қуанған елорда жастары күннің суығына қарамастан, жаңа қазмедиаорталықтың алдына жиналып, Франциядан тікелей сөйлеген Елбасының сөзін тыңдадық. ЭКСПО-2017 көрмесі тек Астана үшін ғана емес, бүкіл еліміз үшін экономикалық дамудың жаңа қадамы болады»  «Елбасы биылғы Жолдауында он сын-қатер туралы сөз қозғады. Бұл ретте, жастарға да қауіп төндіретін проблемалар аз емес. Биыл Елбасының тікелей тапсырмасы бойынша аймақтарда жастар саясаты жөніндегі басқармалар құрылды. Білім және ғылым министрлігі жанынан комитет құрылды. Бұл ұйымдардың басты мақсаты - жастардың ой-өрісін дұрыс бағытқа салу. Қазақстан  соңғы жылдары  орнықты  өсу үшін ноу-хау секторын дамытудың маңыздылығын  түсіне отырып,  ұлттық экономиканың  сенімді  және ұзармерзімдік дамуына  жағдай  жасауда, мүмкіндіктер  қалыптастыруда. Ұлттық  инновациялық  қордың  мұрагері Технологиялық  даму жөніндегі  ұлттық агенттік  бүгінге  инновациялар енгізу саласындағы  жобаларды  қолдаудың  түрлі тетіктерін ұсынуда. Технологиялық инновациялық  бизнеске  қаржы салып отырған  қазақстандық  және  шетелдік капиталдарына ие венчурлық  инвестициялық институттар  құруға  атсалысу  мүмкіндігі  қарастырылуда. Осылайша,  отандық  инноваторлар  алдыңғы  қатарлы батыс технологияларына қол  жеткізіп,  оларды Қазақстанға трансферттемек. Технологиялық  даму жөніндегі  ұлттық агенттік 2012  жылдың басында ғана  бұрынғы  жетекші  инновациялық  құрылымның  мұрагері  атанғанын  ескерсек,  әзірге  Израиль,  Германия,  Малайзия, АҚШ және  Ресей  елдерінің  бірқатар верчурлық  қорларымен  ғана  байланыс  орнатылғанын  айта аламыз.