Кеңес беру пунктінің жұмыс жоспары аясында ата-аналармен жеке жұмыс жүргізілді. Тақырыбы: «Баланың агрессивті мінез-құлқы: ата-ана не істеу керек?» Кездесу барысында баланың агрессиясының негізгі себептері қарастырылды: эмоционалдық күйзеліс, қарым-қатынас қиындықтары, назардың жетіспеушілігі, тәрбие ерекшеліктері және қоршаған ортаның әсері.

Ата-аналарға келесі практикалық ұсыныстар берілді:

✔ баланың агрессиясына агрессиямен жауап бермеу, сабыр сақтау

✔ балаға өз эмоцияларын сөзбен жеткізуді үйрету

✔ мінез-құлыққа қатысты нақты және түсінікті шекаралар қою

✔ отбасында сенімді қарым-қатынас қалыптастыру

✔ баланың эмоционалдық жағдайына көңіл бөлу. Сонымен қатар, балалардың өзін-өзі реттеу дағдыларын дамыту және эмоционалдық интеллектіні қалыптастыру мәселелеріне ерекше назар аударылды. Кеңес беру пунктінің жұмысы – отбасыға қолдау көрсетуге және баланың үйлесімді дамуына жағдай жасауға бағытталған.