Елбасымыз Н.Ә.Назарбаевтың «Рухани жаңғыру» саясаты, білім стандартын негізге ала отырып,  Қарағанды облысындағы  тарихи орындар мен Қарағанды қаласының қалыптасу тарихын насихаттау арқылы рухани құндылықтарды дәріптеу мақсатында мектебімізде «Туған жердің рухани құндылықтары» атты өлкетану мұражайы ашылды. Мұражайдың ашылуына қаламыздың құрметті азаматтары: физика-математика ғылымдарының докторы, профессор Е.А.Бөкетов атындағы Қарағанды мемлекетік университеті «Техникалық физика және экология мәселелері» институтының директоры. Қарағанды облыстық қазақ тілі және мәдениеті ҚБ төрағасы-Көкетайтегі Темірғали Әбілдаұлы, Қарағанды облысы бейнелеу өнері музей директорының орынбасары, өлкетанушы, этнограф-Аршабеков Темірғали Тлеубекович, Кескіндемеші, мүсінші,сәндік және қолданбалы өнер суретшісі. Қазақстан мәдениет қайраткері. Қазақстанның Еңбек сіңірген қайраткері- Қалқабаев Мұрат  Әбдрахманұлы, Қазақстан Жазушылар одағының мүшесі, журналист, өлкетанушы, тарихшы, профеесор-Баймұқанов Мұқаметқали, «Бердіқожа батыр» қоғамдық қорының президенті-Калимбетов Данияр Жумабекович және Қарағанды қаласының білім бөлімінің тәрбие және әлеуметтендіру секторының бас маманы Хасенова Гүлсім Токеновна шақырылды. Мұражайды салтанатты түрде ашу рәсімі Көкетайтегі Темірғали Әбілдаұлы мен Қалқабаев Мұрат  Әбдрахманұлына тапсырылды. Келешекте жас жеткіншектер үшін мұражай жанынын музей сабақтарын ұйымдастыру жоспарланып отыр.