Мектебімізде Наурыз мерекесіне байланысты «Қош келдің, Әз Наурыз!» атты мерекелік іс-шаралары ұйымдастырылды. Мектеп мерекеге сай безендіріліп, тақырыптық саптық жиын, сынып сағаттары, кітап көрмесі, суреттер сайысы, ұлттық спорттық ойындар өтілді. Оқушылар өз өнерлерін паш етіп, ұлттық дәстүрлерден көріністер көрсетті. Сүйінші сұрау, сәбиді бесікке салу, тұсау кесер, сырға салу, қыз ұзату, рәсімдері тамашаланды. Мерекелік шара "Қара жорға" ұлттық биімен аяқтады. Бұдан бөлек спорт алаңында күштерін сынап көремін деушілерге арнайы дайындалған алаңда арқан тарту, қол күрестiру, «Наурыз аламаны» атты қазақша күрес  сияқты ойын түрлерi өтті. Сондай-ақ әр сыныптың ата-аналары мерекеге ұйымшылдықпен, үлкен қызығушылықпен қатысты.