Наурыз мейрамы — ежелгі заманнан қалыптасқан жыл бастау мейрамы.  Дәстүр бойынша бұрын Наурыз мейрамын бүкіл ауыл-ел болып, таң шапағатын қарсы алудан бастайтын.Қазақ осы күнді «Ұлыстың ұлы күні» деп атаған.

         Келер жылғы молшылықтың жоралғысы ретінде наурыз тойында әрбір шаңырақта міндетті түрдеНаурыз көже– ұлттық тағам  әзірленген. Халықтық дәстүр бойынша оған бидай, тары, сүр ет, айран, сүт, су, тұз сияқты кем дегенде жеті түрлі азықтық заттар міндетті түрде қосылуы тиіс.

         Халқымыздың ежелден бері келе жатқан мифологиялық түсінігі бойынша 21 наурыз түні жер бетін Қызыр баба аралайды. Қызыр ата – бәріне қамқор, жақсылық әкелүші, ырыс, несібе, бақ пен береке, құт сыйлаушы, ерекше қасиетті бойына сіңірген әулие. Ол ұлыстың ұлы күні әр шаңыраққа соғып бата береді.

         Наурыз түні адамдар жанын да, тәнін де тазартып, барша әдемі киімдерін киіп, Қызыр ата дәм татсын деп, дастарқанын аққа толтырып қояды.

         № 61 ЖББОМ КММ мектеп кітапханасында оқушыларға Қазақ халқының ұлы мерекесі Наурыз мейрамы қарсаңында: «Қош келдің, Наурыз!» атты кітап көрмесін ұйымдастырды. Мектеп мұғалімдері мен оқушылар көрмеден кітаптар мен қоса  қазақтың қолданбалы қоөнер заттарын тамашалады.