2017 жылы 23 ақпанда №61 жалпы білім беретін орта мектеп қабырғасында «Өрлеу» біліктілікті арттыру орталығы» АҚ филиалы ұйымдастырған облыстық тәжірибелік «Музыка сабағында оқытудың белсенді формаларын қолдану» тақырыбында семинар өткізілді. Семинарға  педагогика ғылымдарының кандидаты, жетекші ұстаз Мукушева САлтанат Булатовна жетекшілік етті. Мектептің музыка пәні мұғалімі Хасенова Маншүк Алмұрзаевна «Бірінші сыныптарда оқытудың жаңаша технологиялары» тақырыбында теориялық және практикалық тәжірибесімен бөлісті. Ол «Жұлдызша әнін» үйрете отырып қазақтың ұлттық домбырасының үнін қоса білді. «Жұлдызша» ертегісін ұсынып, білім алушы ролін атқарған ұстаздарға ертегіні өзінше аяқтауды тапсырды. Қазақтың көне аспаптары үндеріне үндескен кері байланыс жасатты.  Бірнеше мұғалімдер шебер сыныпқа ортақтасып, өз тәжірибелерімен бөлісті. Семинар қатысушылары және ұйымдастырушылары дән риза болуымен Маншүк Алмұрзаевнаны және мектеп басшылығын Алғыс хатпен марапаттады.