22 ақпанда 2017 жылы №61 жалпы білім беретін орта мектепте дене тәрбиесі мұғалімдерінің қалалық «Ұлттық ойындардың білім алушылардың дамуы мен қалыптасуындағы ықпалы» тақырыбында семинары өткізілді. Семинарға қала мектептерінің 70-ке тарта ұстазы қатысты. Семинар жұмысы ерекше формада ұйымдастырылды. Мектеп басшысы Р.М. Галимуллина мектеп оқушыларының жетістіктерімен презентация ұсынды.  Оқыту қазақ тілінде 5-11 сыныптар дене тәрбиесінің жоғары санатты мұғалімі Султанов Марат Мурслимович семинар тақырыбы бойынша баяндама және өз сабақтарында ұлттық ойындардың қолданылуына бейнежазбаға түсірілген көрсетілім жасады. Жоғары санатты И.А.Ким орыс тілінде баяндама жасады. Барлық мұғалімдерге ұлттық ойындардың құзыреттілігін айқындау тренингі өткізілді. Семинар жұмысы дене тәрбиесі мұғалімдерінің топтар арасында «Қыз қуу», «Асық ату», «Соқыртеке», «Орамалтастамақ» ұлтық ойындарын практикалық түрде көрсетуімен жалғасын тапты. Семинар соңында көшбасшылар марапатталып, рефлексия өткізілді. Әр ұстаз өзіне қажетті әдістемелік көмек алғанына ризашылық білдірді.