№61 жалпы білім беретін орта мектепте 17.03.2015ж. орыс тілі мұғалімдерінің « Білім және тәрбие беру үрдісінде орыс тілі пәнінің оқушылармен жеке және дифференциалдап оқыту арқылы  білім сапасын арттыру» тақырыбында қалалық семинар өткізілді. Семинарда мемлекеттік және орыс тілінде жүргізілетін 10а және 11б сыныптарында ашық сабақтар өткізілді. Сабақтарда жаңа технология элементтерін пайдаланумен қатар сын тұрғысынан ойлау технологиясы да қолданылды. Оқушылармен жеке жұмыс істеу және дифференциалдап оқыту, топтық жұмыс, оқушы білімін тексеру және қорытындылауда ақпараттық-коммуникативтік технологияны ұтымды қолдану жолдары көрсетілді. 5б сыныбында орта буында оқушылардың қалыптасу кезеңін бастан кешіргенін тиянақты сабақ үлгісімен аңғартты. Оқыту үрдісін оқушылардың сабақтан тыс жұмыстары арқылы мүмкіндіктері мен қызығушылықтарының жетілдірілуін орыс тілі пәні мұғалімі Я.А.Когай «Бейнелеу театры» арқылы ұсынды. Мектепте жобаның ұстаз еңбегімен бірнеше жылдар бойы жүзеге асырылуы семинарға қатысушылардың көңілін тәнті етті.