Сабақтың мақсаты:Балалардың әдептілік ,сыпайлылық  адами қасиеттер туралы түсініктерін кеңейту.

Сабақтың міндеттері:

 -ұқыптылық ,жиналық ,әдептілік туралы түсінік беру;

-сыпайылық қарым-қатынастарын дамыту;

-ұқыптылыққа ,жиналыққа ,әдептіліке тәрбиелеу.

Ресурстар:

(материалдар, дереккөздер)

Сабақтың барысы:

1.Ұйымдастыру кезеңі: :Қайырлы күн,балалар!Өзін- өзі тану сабағында топқа бөлініп жарыс түрінде өтеміз,ол үшін мына әріптерді алу қажет.Әр топ өзіне көшбасшысын сайлап, топқа ат қойып таныстыру қажет.Алдарында геометриялық фигуралар жатады, сол арқылы топтың жеңімпазы анықталады.1-топ дөңгелек,2-топ үшбұрыш,3-топ төртбұрышты  қойып отырады.

1.      Тыныштық сәті.Нұрға бөлену.

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды  шайып, жүрегіңіздің қауызын ашты. 

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің  қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз  нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз  тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. 

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша  түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде  отыра тұрыңыз... 

Енді осы Нұрды жүрегіңізге орналастырыңыз. Нұрға толы бүкіл әлем  сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Музыка ойналады, оқушылар орындарында көздерін жұмып сол ырғақпен мұғалімнің айтқандарын елестетіп отырады.Біткеннен кейін мұғалім сұрақ қояды:

1.Балалар қандай сезімде болдыңыздар?

2.Көздеріңе не елестеді?

3.Көңіл-күйлерің қандай болды?

Түйін: Балалар, әрбір ісімізде жақсы тілек тілеу, ой ойлау арқылы бастайық.

Ескертулер:

2.Үй тапсырмасын тексеру:«Ұқыптылық» Е,Өтетілеуов

Мұғалім балалардың  ұқыптылыққа көзқарастарын білу үшін әңгіме мазмұны бойынша сұрақтар қояды :

Сұрақ:

-Асыланның ұқыптылығын неден байқауға болады?

-Жомарт неліктен қорыққа бармай қалды?

-Сендер өз уақыттарыңды қалай үндемейсіңдер ?

Балалардың жауаптары тыңдалады.

Түйін:Балалар,ұқыптылықтың,ұқыпты болудың жолдарын білген дұрыс.

1.Күнделікті өзіңе тиесілі жұмысты атқаруды ұмытпау.

2.Бір күндік жұмыс кестесін құрып ал.

3.Атқарылатын істерді жоспарлап ал.

4.Өз істерінді қадағалау үшін күнтізбені серік ет.

5.Жақын,туыс адамдардың туған күнін есте сақта.

6.Айналана мұқият болу.Әр адамның алдына қойған мақсат-мұратының орындалуы үшін ұқыптылық пен әдептілікті бойымызға сіңіруге тырысайық.

3.Дәйексөз.

Мұғалім тақтаға М.Әлімбаевтың «Ұқыптының уақыты мол»деген даналығын жазып,қояды және оның мәнін түсіндіреді.

-Ұқыпты бала әрқашанда өз жұмыстарын уақтылы орындайды.Ал мұндай қасиетке  ие бала  жұмысқа да ,оқуға да,ойнауға да ,серуендеуге де, қонаққа баруға да ,дос,жақын,туыс адамдардың көңілін көтеруге де үлгереді.

Сұрақ:

1.Ұқыптылық деген сөздің мағынасын ашып беріңдер?

2.Ұқыптылық не үшін қажет,пікірлерің?

2.Ұқыпсыздықтан арылу үшін адам баласы қандай болу қажет?

Түйін:Ендеше,балалар«Ұқыпты адам тәртіпті тыңғылықты болады.Ондай адам өз іс-әрекетінде үнемі жинақылық танытады.Ендеше осы жақсы қасиеттерді жүрегімізде сақтайық.

Жүректен жүрекке :

-Балалар ,табиғат-ана барлығына ортақ .Ол адамдарды, айналасындағыларды  жаман-жақсы деп талғамайды.Өзінің сыйын бәріне бірдей береді .

Мысалы ,Күнді алып қарайықшы ,ешкімді алаламайды, нұрын ,жарығын ,жылуын барлығына теңдей ұсынады,бәріне бірдей бақыт ,қуаныш тілейді .Күннің атынан сөйлеп көрейікші:

Оқушылар қол ұстасып ,бірігіп тұрады.

Даламдай кең пиілім ,(Құшақтарын ашады )

Жүрегім толы мейірім .(Жүрек тұсын қолдарымен ұстайды)

Мен үшін жоқ уағың,(Қолдарымен кіші дегенді көрсетеді )

Бәріне ортақ шуағым(Екі қолдарын көтереді )

Жер шарының ұл-қызын,

Жылытуға жетер қызуым.

4-кезең.Әңгімелеу,мұғалім сыйы:

 М.Гумеров  «Дәме»

Алты жасар Ақылбек әке-шешесімен бірге енді ғана шай іше бастап еді.Шешесі тесіле қарап ,оның аузынан көзін алмай қойғаны .Соған Ақылбектің әкесі де назар аударған екен:

-Ұлынның аузына неге сонша қадала қарайсың?-дегені.

-Еденге нан қоқымын құмшекер түйіршігін түсірмей же ұқыпты бол деп айтудай-ақ айтамын.Бірақ айтқан сөз далаға кетіп жүр .

Аққұба өңді Ақылбектің  екі беті қызарып шыға келді.Дастархан басынан тезірек тұрып кеткісі келгендей шайды апыл-ғұпыл ішем деп бұл жолы нан қоқымын бұрынғдан да көп түсірді.

Шай ішіп болғасын бетін сипап,орнынан тұрған бойда еңкейіп нан қоқымын алақанымен сыпыра жинап алды да жүгіре басып есікке беттеді.

Ақылбек осы оқиғадан кейін тамақ ішкенде неғұрлым ұқыпты болуға күш салып жүр.Нан қоқымды еденге түссе де,өзі жинап алуды әдетке айналдырады.Сөйте–сөйте ұқыпсыздықтан арылар деген дәме бар.

Сұрақ:

1.Ақылбектің ұқыпсыздығы неден көрінеді?

2.Ақылбек ұқыптылыққа өзің қалай тәрбиеледі?

3.Ақылбекке қандай ақыл айтар едіңдер?

Түйін:«Ұқыпты адам ұқыпсыздықтан арылуы өзіне байланысты,неғұрлым ұқыпты болуға күш салған жөн.Шашқан жерінді жинауға әдетке айналдыру».

5.Шығармашылық жұмыс,топтық жұмыс:

1-тапсырма. Көп нүктенің орнына ұқыпты,ұқыпсыз сөздерін қойып,мақалдар мен жаңылтпашты айту.

2-тапсырма.Ұқыптылық туралы тақпақ айту.

3-тапсырма.Ұқыпты сөзіне кластер құрастыру

Сұрақ:

1.Ұқыпты және ұқыпсыз бала туралы ойларын ,пікірлерің қандай?

2 Бастаған жұмысынды аяқсыз қалдырған дұрыс деп ойлайсыңдар ма?

3.Өздерің қандай ережелерді  сақтайсыңдар? Неліктен?

Түйін:

Балалар, әр істеріңді ұқыптылықпен,әдептілікпен,дұрыс әрекет ете отырып жасасаңдар,бойларында осы қасиеттер міңгілік қалады.

6.Топпен ән айту:

Бір аптада

Бір аптаның күндері өтті :

Дүйсенбіде гүлдер ектім ,

Сейсенбіде жуа тердім ,

Бейсенбіде бақша баптап ,

Жұма күні тақпақ жаттап ,

Сенбіде мен киноға бардым,

Жексенбіде бір демалдым.

Ұқыпты деп бұл  қандай ,

Жақсы  көрер бар адам.

Қайырмасы :

 Сұрақ:

1.     Ұқыпты болуда адам бойында қандай жақсы міне болу керек?

2.     Бір аптада неше күн бар екен?

3.     Қандай адамды ұқыпты әдепті деп айтуға болады?

Түйін:Ендеше, балалар арман тілегі орындалған адам дұрыс әрекет жасай отырып өмір сүрсе,онда ол адамның  бойында өмірге деген құштарлық,адалдық,сүйіспеншілігі мол болады.Олай болса күнделікті өзіңе тиісілі жұмысты атқаруды ұмытпау.

7.Үй тапсырмасы: «Құмға салған сурет» К.Сегізбай әңгімесің оқып талдап келеміз.

8.Соңғы тыныштық сәті:Тыныс алу.

 Аяқ-қолымызды айқастырмай, тік отырамыз. Қазір біз тыныс алу жаттығуын жасаймыз. Біз терең тыныс алғанда біздің ойымыз тынышталады. Демді ішке алғанда жүрегімізді ішкі тыныштық пен қуанышқа толтырамыз. Ал, демімізді сыртқа шығарғанда мазасыздықты сыртқа шығарамыз. Ал, балалар дайындалайық. Көзімізді жұмамыз. Арқамызды тік ұстап, қол-аяғымызды айқастырмаймыз. Қолымызды үстелдің үстіне немесе тіземізге қоюға болады. 9-10 рет, баяу жаслады.

Баяу ән.

Мұғалім балаларға аяқ,қол жайлы айтып,көздерін ашады, содан, ал енді балалар бүгін қандай жақсы қасиеттер айтылды, осы қасиеттерді жүректе сақтайық деп сабақты аяқтамас бұрын жеңімпаз топты анықтап,смайликтерін тақтаға жапсыру арқылы сабағымызды аяқтаймыз.