Қош келдің, әз Наурыз!

               Ұлыс күні кәрі –жас құшақтасып көріскен.

                Жаңа ағытқан қозыдай жамырасып өріскен.

               Ұлыс күні қар еріп, сай-салалар гүрілдер.

      Көк шөбі шығып желкілдеп, дүние біткен күлімдер.

Ұлыс күні кәрі-жас құшақтасып көріскен.

Күттіріп келген жыл басы бізбен бірге жырлашы.

Дастарханға елімнің береке, ырыс сыйлашы.

Ата-бабам тойлаған , Наурызым, армысың!

Қызығына тоймаған дарқан дала қарлы шың.

      Наурыз мерекесі- өте ерте кезден бастап, тойланып келе жатқан халықтың тұрмыс тіршілігіне байланысты мереке. Парсы тілінен аударғанда «Наурыз» сөзі «нау»-жаңа, «рыз» күн деген. Ал қазақ тілінде «наурыз» сөзі 1-шіден – жыл басында тойланатын думанды ұлттық мейрам, 2-шіден – наурыз айы, 3-шіден – ұлыс күні жасалатын көжеге қатысты айтылады. Бұл күні аспан денелері өздерінің ең бастапқы нүктелеріне келіп, күн мен түн теңеліп , мал төлдеп,адамдардың аузы аққа тиетін , жер үстіне шаттық орнаған күн. Қазақ елі осы күнді «Ұлыстың ұлы күні»- деп атаған. Осы аталған Наурыз тойы № 61 ЖББОМ қабырғасында да өз деңгейінде аталынып өтті, яғни білім ордасында қызықты әрі тартымды сайыстар, ойындар ұйымдастырылды. Әр сынып ауыл-ауыл болып бөлініп, той-томалақтан сый-тарту ұсынып, ән мен биден сусындап, күмбірлетіп күй төкті.

Ата-бабамыздың көздің қарашығындай сақтап, ұрпақтан-ұрпаққа  жеткізіп келе жатқан салт-дәстүрлеріміздің бірі- Ұлыстың ұлы күні – Наурыз мерекесі құтты болсын!