9.11.2012 ж күні біздің мектепте І тоқсанның қорытынды педагогикалық кеңесі өткен болатын.  Ұстаздарға сергіту сәті ретінде  «Ариадна жібі» атты психологиялық тренинг жүргізілді.

         АРИАДНА жібі- бұл атақты фразеологизм бізге Тезей деген афиндық батыр туралы ертегректік аңыздан келді. Криттік хан Миностың қызы Ариадна, Афинадан келген Тезейге қорқынышты Минотаврмен жауласуға көмектеседі. Тезей Ариаднаның берген жібінің көмегімен Минотаврды жеңіп, сол Минотавр мекендеген атақты лабиринттан шығады. Ариадна жібінің ауыспалы мағынасы: қиындықтан шығу, жол сілтейтін жіп.

         Біздің қолданысымызда бұл келесідей болды: он беске жуық  ұстаздар ортаға шеңбер жасап отырды. Жүргізуші қолына бір орам жіпті ұстап, ұстаздарға нұсқау жасады. Яғни бірінші қатысушы жіпті қолына алып, өзінің  күнделікті жұмысындағы  қандай басты өзекті мәселемен, қандай қиындықпен кездесіп жүргенің баяндайды. Және осы қиындықтың кімге байланысты екендігін ескере кетіп, оны шеше алатындығын немесе шеше алмайтындығын  анықтайды. Жіп кез келген  келесі қатысушының қолына өткеннен кейін, ол өз мәселесімен бөліседі. Сөйтіп жіп барлық қатысушының қолынан өтеді. Барлығы жіпті қолына алып, өз мәселесімен бөліскеннен кейін, кері байланыс басталады. Соңғы қатысушы алдыңғы қатысушыға жіпті қайтарып, оның айтқан мәселесін баяндауы керек. Солай жіп қайтадан жүргізуші қолына өткенге  дейін жалғасады. Бұл ойынды оқушылармен де жүргізуге болады. Бұл нақты мәселені аша айта білу, оның анализдеуге үйрену қабілеттерімен қатар,  мұқият тыңдай білу дағдысын дамытады.

Тренингті жүргізген: педагог-психолог Тусупбаева Н.Т.