«Қазақстандағы код сағаты» №61 жалпы білім беретін мектебінде «Қазақстандағы код сағаты» акциясы бойынша 6 сыныптарда информатика пәнінен «Код сағаты 2019» тақырыбында ашық сабақ өтті. Акция жастардың информатика мен бағдарламалауға деген қызығушылығын туғызуға және қолдауға, сонымен қатар жастардың IT-мамандықтарының беделін арттыруға бағытталған. Акцияға 6 сынып оқушылары қатысты. Ашық сабақты информатика пәнінің мұғалімі – Жақан Айымгүл Темірқызы өткізді. Ашық сабақ 2 бөлімнен тұрды. Бірінші бөлімде – мұғалім Қазақстанның қандай оқу орындарында IT мамандықтарын дайындайтындығы жайында және IT мамандар қандай жерлерде қызмет жасай алатындығы жайында айтылды. Сонымен қатар ақпараттық технологияның даму барысында келешекте жастар IT технологияның көмегімен үлкен жетістіктерге жете алатындығы жайында баяндалды. Екінші бөлімде - интернеттегі тренаржерлер. Тренажерлердегі жұмыстар ойлау дағдысын қалыптастыруға, оқушының қызығушылығын арттыруға және алға қойған мақсатына жетуге көмектеседі. Тренажердің бірінші блогында ойынды қалай ойнау керек екендігі жайында нұсқаулықтары көрсетіледі. Сол нұсқаулық бойынша оқушы келесі бөлімге өтуге мүмкіндік алады. Іс жүзінде оқушының бағдарламалауға деген қабілеттерін бірден тексеруге мүмкіндік алады. 6 сынып оқушылар «Код сағаты 2019» сабағына қызығушылықпен қатысып, өз бағдарламаларын жасады. http://hourofcode.kz сайтындағы тренажердың көмегімен 20 кезеңнен тұратын логикалық ойынның бағдарламасын құрастырып, нәтижесінде сертификаттарға ие болды.