Бүгін сәуір айының 24 жұлдызында «№61 ЖББОМ» КММ-де ХХ республикалық Абай оқуларының қалалық кезеңі, оқыту қазақ тіліндегі сыныптар бойынша  жоғары дәрежеде өтті.

Мақсаты мектеп оқушылары арасында Абай, Шәкәрім шығармаларын насихаттау, олардың шығармашылық қабілеттерін, эстетикалық талғамдарын, тұлғалық сезім мәдениетін дамыту, ұлылар поэзиясына, рухани мұрасына сүйіспеншілікке тәрбиелеу болды.

Сайыс 4 бағыт бойынша өткізілді. 1-бағыт «Өлең сөздің патшасы, сөз сарасы» (Абай және Шәкәрім шығармаларын жатқа оқу), 2-бағыт «Көңілім әнді ұғады» (Абай мен Шәкәрім әндері мен күйлерін орындау), 3-бағыт «Жүйріктен жүйрік озар жарысқанда» (оқушылардың ақындық шығармашылығын анықтау), 4-бағыт «Ұлылар әлемі» (Абай және Шәкәрім еңбектеріне эссе жазу) бағыттары бойынша жүргізілді.

Қаланың барлық мектептерінен келген сәйгүліктері өз өнерлерін барынша ортаға сала білді. Нәтижесінде «Өлең сөздің патшасы, сөз сарасы» бағыты бойынша бас жүлдені мектебіміздің 9-сынып оқушысы Мұрат Ділназ иеленсе,  «Ұлылар әлемі» бағыты бойынша ІІ орынды 9-сынып оқушысы Үкітай Жансая иеленді.

Мектебіміздің жеңімпаздарын құттықтаймыз!