12 желтоқсан мектебімізде "Оқуды жақсарту үшін АКТ және сандық жүйелерді пайдалану" тақырыбында серіктес мектептермен "НЗМ" ДББҰ тәжірибесін трансляциялау бойынша  семинар өтті. Семинардың ашылу салтанаты мектебіміздің акт залында мектеп директоры Галимуллина Р.М. алғы сөзімен басталды. Ақпараттық технология дамыған заманда оқушыларды көркем шығарма оқуға әкелу тәсілдерін қазақ тілі мен әдебиеті пәнінің мұғалімі Торекелдина Д.К. оқушыламен бірлесе отырып ұйымдастырып, семинарды мектеп тренерлері тарих пәнінің мұғалі Мукашева С.Р. орыс тілі және әдебиеті пәні мұғалімі Янчевская Я.А. және ағылшын тілі мұғалімі Егеншина Н.И. коучингтарымен жалғастырса, математика пәні мұғалімі Рысбекова А.К. 9 "А" сыныбымен "Арифметикалық прогрессияның п-ші мүшесіне есептер шығару" тақырыбында ашық сабақ өткізді. Сонымен қатар тарих пәнінің мұғалімі Каригулова С.С. 10 "а" сыныбында "Моңғол шапқыншылығы" тақырыбында ашық сабағын өткізді. Орыс тілінде оқыту бойынша бастауыш сынып мұғалімдері Гоменюк О.Н, Ковбасюк Н.А. оқу ісінің меңгерушісі Василевская Р.В. мен біріге отырып "Использование ИКТ на уроках начальной школе" тақырыптарында сабақтар өткізді. Мектеп көрме залында ҚР Тәуелсіздік күніне арналған "Рухани жаңғыру" бағдарламасы аясында тәрбие ісінің меңгерушілері Турсунова С.А мен Пучкова И.В көрме ұйымдастырса, оқу ісінің меңгерушісі Уралбаева Қ.Р. мен  мектеп психологтары Батырова Г.Б.  семинарға қорытынды рефлексия жасап, өз мәресіне жеткізді. Жалпы алғанда семинар ойдағыдай өтіп, жақсы нәтижелер көрсетті.