Бұл концерт акт залында ұйымдастырылып, зал іші тақырыпқа сай безендіріліп, оқушылар ұлттық киім киіп, салт-дәстүрімізді айқындап тұрды. Мерекелік концертті оқушылар Роза Рымбаеваның «Наурыз айы туғанда» әнімен ашып беріп, бағдарламаны 8- сыныптың екі оқушысы жүргізді. Халықтық мереке, Наурыз  мерекесі туралы айта келіп, 21-ші наурыз күні   түнгі үште аспаннан  түсетін Қыдыр ата туралы түсінік берген соң, сахнаға  8-сынып қыз балалары «Хош келдің,төрлет Наурызым!» әнімен жалғастырды.2-ші сынып оқушылары наурыз туралы ән-тақпақтарын айтып. « Бөбек» балабақша бүлдіршіндері де өз өнерлерін көрсетіп, билерін билеп көпшiлiктi баурап алды.8-сынып оқушылары көрініс қойды.Наурыз мерекесінің мәнін ашу мақсатымен тал егу, сәлемдесу, кешірім сұрау, бата беру рәсімдері көрсетілді, қазақ халқының Наурызға арнайы дайындалған тағамдар ұсынылды. 8-сынып қыздары қазақ ,шығыс билерін билеп ,5-сынып оқушысы Касумов Аюб «Жаса,Қазақстан!» әнімен мерекені жалғастырды. Мереке соңында мектебіміздің директоры Канафин Ермек Канафьевич оқушылар мен ұстаздарды,ата-аналарды Наурыз мерекесімен құттықтап, алдағы уақытта бұл оқушыларды тек қана биіктерден көрінуіне тілектестік білдірді.Қазақ бастауыш сынып оқушылары мерекені «Қара жорға» биімен аяқтады.

Мереке өте қызықты, мағыналы өтті. Көрермендер ретінде келген ата-аналардың ,оқушылардың сана – сезіміне Наурыз мерекесінің ерекшелігін толығымен жеткізе алды.

Бірлік бар жерде, тірлік бар деп аталарымыз  айтқандай, №20 негізгі орта мектеп ұжымы бірлікпен осындай ұлыстың ұлы мерекесі Наурызды қошеметпен қарсы алды.  Биылға жыл тілегімізге қарай  берекелі , жемісті болғай деп тілеймін!