3 қазанда №91 негізгі орта мектебінде «Қарттар күні мен ұстаздар мерекесі аталып өтті. Екі атаулы күнге орай оқушылар мен мұғалімдердің қатысуымен үлкен концерттік шара ұйымдастырылды. Онда мектепте бұрын ұстаздық еткен қарт мұғалімдері мен еңбек ардагерлеріне зор құрмет көрсетіліп сыйлықтар тарту етілді. Оқушылардың өз күшімен дайындаған концертте ұстаздар туралы әндер шырқалып, өлеңдер оқылды. Мектебіміздің ардагер ұстазы Көрікбаев Қали Ақылбайұлының орындауындағы әндер кештің қызығын арттыра түсті.

                                                Ұстаз, ұстаз!

                                 Осы сөзде жатыр қанша ұлылық

                                 Осы сөзде таусылмайтын жылылық

                                 Әль-Фараби, Ыбырай мен Ақаңды

                             Осы сөз ғой қойған бізге ұлы ғып, - деп жырлағандай әр оқушының жүрегінде ұстаз деген ұлы мәртебеге деген ерекше сезім ұшқыны лаулай түсті.