Көктемгі каникул мерзімінде балалар мен жасөспірімдердің қауіпсіздігін қамтамасыз ету және бос уақыттарын тиімді ұйымдастыру  мақсатында  №91 ЖББОМ іс-шаралар жоспары құрылып, мектеп  2014ж. 24.03. – 31.03. аралығында осы жоспарға сәйкес жұмыс жасады.  

   Мектепте іс-шаралар көрсетілген, сондай-ақ, үйірме жұмыстары мен спорттық клубтардың жұмыс кестесі көрсетілген стент толтырылды.

  Оқушылардың математикаға қызығушылықтарын арттыру мақсатында «Математикалық ойлау» үйірмесі өткізілді. 6-сынып оқушылары арасында «Біздің ойын» интеллектуалды ойыны өткізілді:бағдарламалық материалдан, тарихи көздерден сұрақтар, сөзжұмбақтар, танымдық математикалардан сұрақтар  болды.  

Эстетикалық тәрбиені   дамыту мақсатында «Охотники за приведениями» көркем фильмін көру үшін CITYmall  кинотеатрына бару ұйымдастырылды.

Мектеп кітапханашысы Л.А.Алимсакова оқушыларды  дүниежүзіндегі әртүрлі кітаптармен таныстырған  «Кітап сенің досың» атты таңдамалы сабақ өткізді. Оларға кітаптың  балауыздан, жейтін күріштің ұнынан, ағаштан жасалатыны күтпеген жаңалық болды. 

Оқушылардың салауатты өмір салтын қалыптастыруын, өздері мен жақындарының денсаулығына жауапкершілік сезіміне тәрбиелеу мақсатында спорт залында «Денсаулық әлеміне саяхат» ойыны өтті.

Көктемгі мерзімде алға қойылған мақсат-міндеттерді  мектеп жақсы атқарды. Атқарылған жұмыстардың арқасында оқушыларды қамту 100 пайызды құрады. Барлық іс-шаралар жеткілікті деңгейде өтті. Балалар толық  демалған және  жақсы көңіл-күйде жаңаша күшпен сабаққа кіріседі.