Мектепте «Уақытты басқару және өзін-өзі ұйымдастыру» тақырыбында жалпы мектепішілік ата-аналар жиналысы өткізілді.

Жиналыс барысында ата-аналарға мектептің оқу-тәрбие үдерісінің ерекшеліктері, мектептің ішкі тәртіп ережелері, 1–4 сынып оқушыларын ыстық тамақпен қамтамасыз ету тәртібі, сондай-ақ психологиялық-педагогикалық сүйемелдеу қызметінің (ППҚҚ) жұмысы туралы ақпарат берілді.

Кездесу барысында мектеп пен отбасы арасындағы тиімді өзара байланысты нығайту, оқушылардың білім алуы мен тәрбиесіне қолайлы жағдай жасау, олардың жан-жақты дамуын қамтамасыз ету мәселелеріне ерекше назар аударылды.

Ата-аналарға белсенді қатысқандары, қызығушылық танытып, мектеппен тығыз ынтымақтастық орнатқандары үшін алғыс білдіреміз!

Бала тәрбиесі – отбасы мен мектептің ортақ міндеті әрі жауапкершілігі!