Кәсіптік бағдар – болашаққа бастар маңызды қадам!

Ағымдағы жылдың 13 мамыр күні 11 «Б» сынып оқушылары кәсіптік бағдар беру жұмысы аясында Қазтұтынуодағы Қарағанды университеті ұйымдастырған таныстыру іс-шарасына қатысты. Аталған іс-шара оқушылардың болашақ мамандықтарын саналы түрде таңдауына бағытталған маңызды кездесулердің бірі болды.

Сапар барысында оқушылар университеттің материалдық-техникалық базасымен, оқу кабинеттерінің жабдықталу деңгейімен және білім беру мүмкіндіктерімен танысты. Университет мамандары оқу бағдарламалары мен мамандықтар бойынша толық ақпарат беріп, цифрлық және тәжірибелік білім алу бағыттарын таныстырды.

Сонымен қатар, оқушылар оқу кабинеттерін аралап, оқу үдерісінің ерекшеліктерімен танысты, оқытушылармен сұхбаттасу мүмкіндігіне ие болды. Кездесу барысында өздерін қызықтырған сұрақтарына жауап алып, болашақ мамандық таңдауға қатысты қажетті мәліметтер жинақтады.

Іс-шара соңында оқушылар университет өмірі туралы өз әсерлерімен бөлісіп, оқу үдерісінің заманауи әрі қызықты ұйымдастырылғанын атап өтті. Аталған кездесу оқушылардың кәсіби бағдарын айқындауға, болашақ мамандықты дұрыс таңдауға оң ықпал етті.

Мұндай кәсіби бағдар беру кездесулері оқушылардың жоғары оқу орындары туралы ақпараттық танымын кеңейтіп, кәсіби шешім қабылдау қабілеттерін дамытуға мүмкіндік береді.

Жауапты: Ахметова Алия Муратовна

#АдалАзамат

#ЕңбекқорлықжәнеКәсібибіліктілік

#goroo_krg

#КәсіптікБағдар 

#Қазтұтынуодағы 

#МамандықТаңдау