28.01.2026 жылы Ата-аналар форумы «Отбасы мен мектеп — серіктестік аумағы» аясында «№ 91 ЖББМ» КММ-де 8–9 сынып оқушыларына арналған «Цифрлық әлемдегі балалар қауіпсіздігі» атты қауіпсіздік күні өткізілді.

  Іс-шараны тәрбие жұмысы жөніндегі директордың орынбасарлары мен әлеуметтік педагогтар ювеналды полиция қызметкерлерімен бірлесіп ұйымдастырды. Кездесудің басты мақсаты — оқушылардың цифрлық ортада қауіпсіз және жауапты мінез-құлық дағдыларын қалыптастыру.

Іс-шара барысында келесі мәселелер қарастырылды:

• интернет пен әлеуметтік желілердегі қауіпсіздік;

• кибербуллинг пен интернет-алаяқтықтың алдын алу;

• кәмелетке толмағандардың құқықтық жауапкершілігі;

• жеке деректерді қорғау және цифрлық этика.

   Оқушылар белсенді қатысып, пайдалы ақпарат алып, өздерін қызықтырған сұрақтарға жауап алды. Мұндай іс-шаралар мектеп, отбасы және құқық қорғау органдары арасындағы ынтымақтастықты нығайтуға ықпал етеді.