Бүгін мектебімізде «Тәуелсіз Қазақстан: кешегі, бүгінгісі, болашағы» атты танымдық көрме өткізілді. Іс-шараның мақсаты — өскелең ұрпаққа тәуелсіздіктің қадір-қасиетін ұғындыру, Қазақстанның тарихи даму жолы, бүгінгі жетістіктері мен болашаққа бағытталған мақсаттары туралы түсінік беру.

Көрмеде тәуелсіздіктің алғашқы жылдарынан бастап бүгінгі күнге дейінгі маңызды тарихи деректер, фотосуреттер, мемлекетіміздің рәміздері, Елбасы мен Президенттің еңбектеріне қатысты материалдар қойылды. Сонымен қатар оқушылар Қазақстанның ғылым, мәдениет, спорт салаларындағы жетістіктерімен танысты.