Қарашаның 29 күні №91 ЖББОМ-де «Мектептің алтын  дауысы» атты ән сайысының іріктеу кезеңі болып өтті. Оған мектептің  5-8 сынып оқушылары қатысып, ән айтудан өзара сайысқа түсті. Олар әр түрлі тақырыптағы әндерді шырқады. Сайыстың ұйымдастырылуына 9 сынып оқушылары жауапты болды.

6 желтоқсан күні іріктеу кезеңінен өткен оқушылар қазақ композиторларының әндерін айтудан өзара сайысқа түсті. Онда қатысушылар қазақтың 80-90 жылдардағы және қазіргі кезде шыққан әндерін шырқады.

13 желтоқсан күні мектеп оқушылары арасындағы Мектептің алтын дауысы сайысының кезекті кезеңі болып өтті. Онда қатысушылар орыс әндерін айтудан өзара өнер сайыстырды. Әр сайыс кезеңі қызықты өтіп, оқушылардың қызығушылығын арттырып, байқауға өте жауапкершілікпен қатысатындарын көрсетіп отырады. Келесі кезеңге өткен оқушылар патриоттық әндерді айтудан өзара сайысқа түседі.