Бүгін 24 қаңтар күні Қарағанды қаласының N91 жалпы білім беретін мектебінің 5 "Б" сыныбында тарих пәнінен "Томирис - сақтар патшайымы" тақырыбында ашық сабақ өтті. Оқушылар әуелі әйгілі патшайым туралы бейнематериалды тамашалады, сол бойынша оған мінездеме берді. Білім алушылар контур карталарында қазақтардың жаужүрек ата-бабалары сақтардың әртүрлі тайпалары мекендеген территориясын белгілеп, өткен сабақта өткендерін қайталады. Қорыта айтқанда, балалар сақтың ержүрек қолбасшысы, білікті басқарушысының бейнесін, оның тарихтағы рөлін қызықты формадағы ақпараттар арқылы танып біліп, ойларында бекітті.