22  қазан күні  Өскемен қаласында өңіраралық  «Педагогикалық идеялар» атты  фестиваль  өтті. Байқауды  Шығыс  қазақстан облысының білім басқарамасы  және  «Шығыс» орталығы ұйымдастырылды. Байқауды ұйымдастыруда  Өскемен қаласы  білім бөлімінің  әдіскерлері мен «Нұр Орда» халықаралық мектебінің ұстаздары  белсене  ат салысты. Байқау  «Нұр Орда» халықаралақы мектебінде өтті. Бұл байқауға еліміздің  төрт облысынан,   Қарағанды, Павлодар, Алматы, Талдықорған, Өскемен, Семей қалаларының жас  педагогтері қатысып, бақ сынасты. Қарағанды облысынан  екі мұғалімнің жұмысы  оқыту-әдістемелік орталығының іріктеу кезеңінен өтіп, байқауға жолдама алды. Соның  біреуі біздің мектебіміздің  жас ұстазы -  қазақ тілі мен әдебиеті пәнінің мұғалімі  Маймурунова Құралайға бұйырды. Маймурунова  Құралай қазақ тілін  өзге ұлт өкілдеріне  үйретуде  ағылшын тілін оқытудың  әдістемесіне негізделген  жұмысын қазылар алқасына ұсынды. «Қоғамдық –гуманитарлық пәндер» алаңында өз жұмысын сәтті қорғап, жүлделі  ІІ орынды өз қанжығасына байлап , дипломмен марапатталды. Бұл байқау биыл бірінші рет ұйымдастырылып отыр. Шығыс  Қазақстан облысының  Жас  ұстаздар кеңесінің  мүшелері мен өзге  облыстардың жас педаготері танысып,  іс-тәжірибе алмасқан өнегелі іс-шара болды. Алдағы  уақытта  еліміздің басқа  да аймақтарын  қатыстыру жоспарланып отыр.