ЖАЗ-2014

                                 ЖАЗҒЫ ДЕМАЛЫС-ОЙДАҒЫДАЙ

       Міне, жадыраған көк майсалы жаз да қыза түсті. Жазғы демалысқа шығып, мектеп оқушылары да масайрауда. Демалыс күндерін қалай өткізсем? –деп армандамаған бала да сірә, жоқ шығар?! Бірі ауылдағы  ата-әжелеріне, туыстарына баруды аңсаса, ал  біреуінің баратын жерлері де жоқ болуы мүмкін. Бірақ  тығырақтан шығатын жол да дайын. Ол –мектеп жанындағы демалыс лагері. Көп балалы аналар мен әлеуметтік жағдайы нашарлау ата-аналар үшін, әрине мектепішілік лагерь өте қолайлы. Балалар мұнда екі мезгіл тамақтанып, түрлі ойындар ойнап,  бассейнге барып, бой сергітпек. Осыған сай жылдағы дәстүр бойынша Қарағанды облысы әкімдігінің 2012 жылғы 21 мамырдағы № 17/05 «2011-2015 жылдарға арналған жазғы каникул кезеңінде балаларды сауықтыру демалысын, бос уақытын және жұмыспен қамтылуын ұйымдастыру туралы» қауылысын, Қарағанды қаласы әкімдігінің, Қалалық білім беру бөлімінің  2014 жылғы жазғы каникул кезінде балалардың сауықтыру демалысын, бос уақытын және жұмыспен қамтылуын ұйымдастыру туралы қаулысы шықты. Осы қаулының орындалуына сәйкес №10 ЖББОМ «Достық» деп аталатын мектепішілік лагері жұмыс жасауда. Балалар мен жеткіншектердің демалысын, сауықтырылуын, жұмыспен қамтылуы жөнінде «Жаз-2014» бағдарламасы бекітілді.

Аталған мектебімізде лагерь 5 кезеңге бөлінген. Таңертенгі сағат 9-дан бастап түс мезгіліне дейінгі уақыт аралығында жас бүлдіршіндеріміз үшін барлық жағдай жасалып жатыр. Оқушыларымыз асханадан тамақтанады: таңертенгі ас және түскі ас.

        Бірінші кезеңнің лагерь басшысы-Демиденко Елена Николаевна. «Болашақ» және «Звездочка» отрядтарының тәрбиешілері Садыкова А.Т., Душко Д.Ю, Абдикаримова Д., тәлімгер Титова С.Н., психолог Ныгметова Г.Ж., дене шынықтыру мұғалімі Ибраев А.З., ән-күй мұғалімі Дудина И.В., Ақжігіт Ы.

       Екінші кезеңнің басшысы-Исина Сания Турсыновна, тәрбиешілері Зарыххан А., Деревенских А.Н., психолог Ныгметова Г.Ж. ,  Ақжігіт Ы.

Аталған тәрбиешілер жасөспірімдерге патриоттық, эстетикалық, этикалық, рухани адамгершілік тәрбие берумен қатар салауатты өмір салтын қалыптастыру мақсатында көптеген іс-шаралар өткізіп жүр. Сонымен қатар күнделікті спорттық жарыс-сайыстарын, Золушка сайысы, Теріс күн сайысы, Принцтер сайыстарын белсенді өткізуде. Лагерьге маусым айында келген  оқушылардың саны 57. Балалар үлкен қызығушылықпен жиналады. Бүлдіршіндер достарымен бірге шахмат ойнап, ән салып, сурет салып, би билейді. Қабырғаларда, стендтерде, сөрелерде оқушылардың жеке жұмыстары мен кәмпит қағазынан жасалған суреттері әсем өрнектеліп, безендірілген қолөнер туындылары жинақталған. «Достық» атты мектепішілік лагерімізде  балалардың жазғы мезгілінде уақыттарын тиімді пайдалану, балалармен әртүрлі бағыттағы мәдени-көпшілік іс-шараларды ұйымдастыру мақсатында мұражай,саябақ, хайуанаттар бағы, көрме, кинотеатрлар сияқты мәдениет ошақтарын көріп-білуге лагерь аймағынан  тыс жерлерге жорықтар ұйымдастырылған. Алдағы күндері тас  жол үстіне бормен сурет салудан байқау өткізілмек.

                                                            Жүнісова Нұргүл Зейнуллақызы

№ 10 ЖББОМ тәрбие жұмысы бойынша

директордың орынбасары.

20 маусым  2014ж.